„Денес сè е околу џезот“ – ќе воскликнат од Здружението на џез музичарите и слободните уметници – Македонија (ЗЏМ). Но, што е со предизвиците во текот на пандемијата? Како се справува(ат) тие со оваа ситуација? Какви се нивните реакции за конкурсот на министерството за култура, но и за стопирањето на исплатите? За овие теми разговараме со Гоце Стевковски од ЗЏМ.

- Иако се помалку чалгаџиски тајфи музицираат во Велес, духот на староградската чалгија тука се' уште живее. Велешкиот музичар Трајче Малинов посветил години во истражувачко творештво, создавајќи книга посветена на најпознатиот велешки чалгаџија Ало Тончов. За приказните на чалгаџиите, за нивните музички мајстории и анегдоти, но и за веселото и музички вредно семејство Малинови, од приказната која од Велес ни ја пренесува Владимир Тевчев.

Над 40% од граѓаните сметаат дека инспекторите во својата работа зависат од градоначалниците. Речиси исто толку граѓани сметаат дека општинските инспектори не се професионални и ефикасни, како и дека наместо да ги штитат граѓаните и јавниот интерес, ги штитат интересите на политичките и на бизнис-моќниците. 

За ова истражување, но и за други, разговараме со Билјана Бејкова од НВО Инфоцентар.