Емисии Емисии Емисии Емисии Емисии Емисии Емисии Емисии Емисии Емисии

Ударни вести

Како да се справиме со епидемијата


За 8-ми март подаруваме рози на жените. Но, тие кои се активистки за родовата еднаквост ќе ви речат дека борбата е и за леб. „Леб за сите, но и рози исто така...“ е слоганот кој во дваесеттите години на минатиот век ќе почне да ги одбележува феминистичките движења за еднакви плати и достоинствени услови, како за мажите – така и за жените. Ваквата борба кај нас најчесто е изразена низ призмата на политиката и учеството на жените во неа. Но, што се случува надвор од државните институции? Колку активизмот успеа во Македонија досега и колку ние сме пример за регионот? Или не сме?

Во „Коментар“, зборуваме за борбата за родова рамноправност, заедно со активистките Тања Томиќ – основачка на ednakvi.mk, д-р Дијана Стојановиќ Ѓорѓевиќ – програмска раководителка во фондацијата „Квина тил Квина“ и со доцентката д-р Весна Попоска – универзитетска професорка.


Првиот потврден случај за лице заболено со „КОВИД-19“, познат како „коронавирус“ кај народот предизвика загриженост, која во многу изразени однесувања е неоснована. Министерството за здравство повикува на смиреност и посочува на подготвеност за справување со коронавирусот. Како оваа појава претставува стрес-фактор за луѓето и како ние како општество треба да се однесуваме со колективна свест, за да се штитиме себеси, но и останатите околу нас?

Во „Коментар“ со Огнен Јанески, разговараат невропсихијатарот, проф. д-р Методи Чепреганов, научната соработничка, д-р Марија Димзова – специјалистка по инфектологија при Клиниката за инфективни болести и фебрилни состојби и д-р Лили Чолакова Дервишова, претседателка на Здружението на приватни лекари.

Телевизија 24 подготви и видео-совети како водич за превенција од коронавирусот, според препораките на Светската здравствена организација.


Разговараме за тема која малку успеа да привлече внимание. Распределбата на средствата за годишната програма на Министерството на култура е нешто што предизвикувапо скандали во однос на начинот на тоа кој, како и зошто добива сретства од даночните обврзници. Фокуст на денешното издание се фолклорните друштва.

Гости се Баже Џоџев, професорот Благоја Јовановски и Алил Селим Галиќ.


„Не се плашев! Сакав да ја видам нивната реакција, кога ќе излезам облечен како жена.“ Божо Вреќо – фасцинантниот уметник кој го предизвикува мачоистичкиот Балкан со својата уметност, преку која севдалинката ја враќа на пиедесталот, насекаде низ светот. Божо Вреќо, човекот кој зборува отворено и искрено за себе, за своето издигнување, за дуалноста на неговата душа која зрачи со машка и со женска енергија, за хиперпродукцијата на кичот и шундот на кои им се спротиставува...

Божо Вреќо е гостин во специјалното издание на „Коментар“ со Огнен Јанески, на Телевизија 24.


Војна и мир во македонското Собрание. Дали на празникот на љубовта Заев ќе ја раскине коалицијата со Ахмети? Вчера закани, а денеска помирувачки тонови. Судир во Владата – нови судири и во опозицијата! Кој кому ќе му го закрои лозјето во пресрет на распуштањето на Собранието в недела? Седницата за Законот за јавното обвинителство почна со тензии, обвинувања и со обиди за пуштање бомби од говорница.

Во „Коментар“, со Огнен Јанески анализираат универзитетскиот професор, Љубомир Фрчкоски и политичкиот аналитичар, Алберт Муслиу.


Во пресрет на Оскарите в недела, „Медена земја" е најголемата меѓународна гордост на земјава во изминатата година. Ликот на Атиџе Муратова стана дневна тема за восклик кај сите. Турскиот јазик, кој и' е мајчин го обновува својот подем во културата кај нас дури и кај тие кои не изгледале ни претстава на турски, па така во преден план ја става суштината на постоењето на уметноста - дека без разлика на јазикот, таа допира до сечие срце и го развива умот кон непознатото. За турскиот јазик во македонската драмска уметност, за неговото одржување во културата, за Турскиот театар во Македонија кој годинава одбележува 70 години постоење и за зградата која почна да се гради во 2014-та, а која е во застој поради немањето пари.

За сето ова и за многу повеќе, во студиото на „Коментар" со Огнен Јанески, гостуваат директорката на Националната установа Турски театар - Скопје, Несрин Таир, актерката Емине Халил, како и актерите Џенап Самет и Неат Али.


Според досегашниот тек на политичките случувања во пресрет на изборите во април, Договорот од Преспа ќе биде главен адут на кампањите. Актуелната македонска, слично како и претходната грчка опозиција која сега е на власт, зборува за негово ревидирање или повторно преговарање. Што означува овој Договор за соработката меѓу двете земји, особено со фокус на политичката, но и за соработката во полето на економијата, културата, науката, спортот и образованието, а особено за младите соседи кои допрва треба да почнат да соработуваат меѓу себе?

Во „Коментар“ со Огнен Јанески, гостуваат членот на Управниот одбор на УНЕСКО Младинскиот клуб – Солун, Харалампиос Папајоану, заедно со претседателот на „Младински сојуз - Крушево“, Методија Стојчески, како и пратеничките Јулиана Николова и Ивана Туфегџиќ.


Бананите, јогуртот и месото ја разбрануваа јавноста, откако Младинскиот образовен форум го објави истражувањето за состојбата на станарите во Државниот студентски дом „Скопје“.
Што јадат, или што јаделе студентите во домовите? Дел од нив во анкетите посочуваат задоволство од исхраната, а од управата велат дека анализата се однесува на периодот пред тие да ја преземат одговорноста. Дел од граѓаните во контактните емисии, пак, реагираат на политизација во пресрет на предизборниот период.

Во новото издание на „Коментар“ ги соочуваме аргументите на директорот на Државниот студентски дом „Скопје“, Дарио Николовски и на истражувачите од Младинскиот образовен форум, Стефани Спировска и Петар Барлаковски.


Во првото издание за оваа година, заедно со три жени директно и индиректно поврзани со спортот разговараме за жените во спортот, за родовата еднаквост во спортот и за новинарките кои известуваат за спортот кај нас.

Гости се новинарката во спортската редакција на ТВ 24, Ивана Митровска, претседателката на невладината TAKT - Together Advancing Common Trust која ја организираше манифестацијата „Вечер на жени во спортот“, Силвија Митевска и каратистката и добитничка на наградите „Спортистка на годината 2019“ (во организација на Агенцијата за млади и спорт) и „Најдобра спортистка во индивидуален спорт 2019“ (во организација на ТАКТ), Пуликсенија Јовановска.