Емисии Емисии Емисии Емисии Емисии Емисии Емисии Емисии Емисии Емисии

Ударни вести

Што стои зад бугарскиот обид за проблематизирање на историјата?


Две години по доаѓањето на Илинденска – датумот за преговори како вовед во нова политичка криза. Дали Заев се чувствува излажан од Европа – зошто оваа Влада брои ситно по сите отстапки што ги направи на меѓународен план? Средбата со Меркел како последен обид за помирување на Берлин и Скопје. За внатрешните и надворешни предизвици, економијата, правосудните и полициски реформи.

Младен Чадиковски и граѓаните Отворено со премиерот Заев, министрите Оливер Спасовски, Рената Дескоска и Роберт Поповски.


Во време кога Македонија е фокусирана на добивање датум за преговори со Европската Унија – Брисел се занимава со сопствените избори. Што тие донесоа и дали Македонија после овие резултати може да биде среќна? Иако генерално евроскептиците не победија, загрижуваат барем две точки – гласањето во Грција и гласањето во Франција. Од друга страна, Македонија е во трка и со самата себеси – на повидок е нова влада која треба да донесе промени во досегашниот начин на владеење. Дали ќе успее?

Вечерва гости на 24 Oтворено министерката за одбрана и заменик престедател на СДСМ, Радмила Шеќеринска, Александар Кржаловски од МЦМС, поранешниот амбасадор, Мухамед Халили и аналитичарот, Благојче Атанасовски.


Гости се Здравко Чолиќ, Вера Јанковиќ и Драган Б. Костиќ


Завршени политички процеси, што понатаму? Промена на менталитет на политички владеење? Најавената реконструкција, дали може да донесе сериозен пресврт во политиката на актуелната Влада? Дали реконструкцијата треба да донесе системска промена во кадровската политика и потпирање и врз непартиски/експертски кадри? Можно ли е тоа? Има ли доволно време за да се почувствуваат политички промени до следни парламентарни избори? Тезата Заев е добар, лоши се останатите околу него, како ја објаснуваме? Кои се тие ресори или министри и директори каде е евидентна потребата од промени? Како да не бидат само козметички? Критиките кон Владата, дали е тоа нов квалитет во донесената слобода? Демнат ли и какви опасности по демократијата?
 
Гости во 24 Отворено се Горан Михајловски, Билјана Секуловска, Един Растодер и Горан Теменугов.

Историска посета на папата Франциск на Скопје како да не можеше да мине без отровните стрели што беа упатени од претседателската палата на Водно. Сепак тие не ја минимизираат пораката што од овде беше испратена, со самото доаѓање на поглаварот на Римокатоличката црква. Македонија со трасиран пат кон развиениот свет со порака да престанат секојдневните политички делби кои ја урнисуваат суштината на републиката. Можеме ли да се издигнеме над нив? Избран е избран новиот престедател, а траекторијата на Северна Македонија се движи кон НАТО и Европската Унија.

Гости во 24 Отворено се: Александар Спасов, политички советник во штабот на сега веќе избраниот претседател Стево Пендаровски, Милка Смилевска, новинар на Алџезеира Балкан, аналитичарот Сефер Селими и Петар Богојески политичар.


Меѓу двата изборни кругови, Македонија го брка цензусот за претседателските избори. Кој е победник, а кој е губитник во првиот круг? Изгубените гласови од контото на СДСМ по две години на Илинденска како последна опомена за лидерот на партијата. Пораката од гласачите е пратена, но дали ќе стаса до сите до кои беше наменета? Премиерот Зоран Заев, гостин во 24 Отворено.


Ниски плати, високи трошоци, неплатен труд, дискриминација – во 21. век македонскиот работник на мака како да го помине денот. Во странство ценет и платен, во земјава дефицитарен.

Состојбата со работничките права и во пресрет на овој први мај непроменета! Синдикатите велат најлошо е во текстилството и кожарството. Се крои нов закон за работни односи, но по чиј терк? Новото законско решение чека да поминат изборите.

За проблемите кои го мачат работникот и за неговите права дебатираме со Дарко Димовски – Сојузот на синдикати, Кристина Ампева – од „Гласен текстилец“, Мирјана Алексевска - раководител во Министерството за труд и социјала, Миле Бошков - претседател на Бизнис конфедерацијата на Македонија.


Меѓу двата изборни кругови, Македонија брка цензус за избор на претседател. Кој е победник, а кој поразен во првиот круг? Има ли такви? Зошто ВМРО-ДПМНЕ не успеа да обезбеди гласови од независните? Како до албанските гласови во вториот круг? Судбината на Преспанскиот договор и СЈО. Гостин во 24 Отворено е лидерот на ВМРО-ДПМНЕ, Христијан Мицкоски.


Броиме ситно до изборот на шестиот по ред претседател на државата. Уште пет дена до првиот круг на изборите. Какви пораки испраќаат претседателските кандидати, која целна група е на мета? Се бркаат неопределените или сигурните гласачи? Полни усти ветувања, но што ќе се реализира?. Каков шеф на државата и е потребен на земјава и на граѓаните? Да ги продолжи стапките на претходникот или да внесе нова енергија? Власта тврди гласот за Стево е глас за сигурен пат за ЕУ и НАТО , опозицијата бара правда за Македонија, Река ветува Република за сите. Дали цензусот во вториот круг може да биде кочница?

Гости во 24 Отворено, Дафина Стојановска од ВМРО-ДПМНЕ, Сурија Рушиди од Алијансата на Албанците и Фросина Ременски од СДСМ.