Емисии Емисии Емисии Емисии Емисии Емисии Емисии Емисии Емисии Емисии

Ударни вести

Дали од јули ќе се зголеми цената на струјата?


Во законодавниот дом досега сме виделе речиси се, од исфрлање пратеници, бојкоти, молчење на седници, илјадници амандмани, до насилства и тепачки. Сега имаме и активна блокада на Собранието. ВМРО-ДПМНЕ и официјално ја почна како што ја нарекоа, активната блокада на  законодавниот дом за спас од националната катастрофа. Прашања и обвинувања на релација власт опозиција за тоа која е причината за малиот број на досега донесените закони. ВМРО-ДПМНЕ преку блокадата гледа излез од како што велат националната криза и начин за промена на власта. СДСМ пак бараат да се откажат од платите и привилегиите и да се стават на платен список кај нивниот лидер Мицкоски. 

Добредојде во студиото на 24 отворено за пратениците од власта и опозицијата Никола Мицевски ВМРО-ДПМНЕ, Халил Снопче Алијанса за Албанците, Арбен Зибери од ДУИ и Диме Велковски од СДСМ.


Трети мај - Светскиот ден на слободата на медиумите. Ако во земјава постоеја само десетмина  новинари, седуммина ќе земаа потпросечна плата. Четворица немаше ниту да имаат постојано вработување, туку ќе работеа со договори на дело. Четворица ќе работеа прекувремено, а на тројца немаше ниту да им се плати. Петмина ќе застанеа на вратата за да излезат од професијата“- вака Новинарскиот синдикат ја илустрира состојбата на новинарите. 

Гости се Билјана Петковска директорка на МИМ, Кристина Озимец, новинарка, основачка на ПИНА, Павле Беловски новинар, лидер на Новинарскиот синдикат и Џелал Незири новинар.


Економска, енергетска, гасна криза. Инфлација, нови задолжувања, протести, аналитичарите велат дека првите сто дена на владата предводена од Ковачевски беа полни со политички и економски турбуленции. Успеси и неуспеси во првите сто дена од мандатот на премиерот Ковачевски.

Успешни економски, но и владини политики вака премиерот Ковачевски го дефинираше работењето на новиот владин кабинет предводен од него во првите сто дена владеење. За опозицијата пак 100 дена влада е за 100 денови неуспеси и промашени политики.

На оваа тема, што добивме и колку ќе трае владата на Ковачевски дебатираме и разговараме со аналитичарите. Петар Арсовски, Самоил Малчевски и Газменд Ајдини.


Втора недела штрајк во образованието, еден од најзначајните и најмасивни штрајкови.

Гости се Лена Спасеновска регионален претставник на СОНК, Билјана Лотевска член на советот на СОНК, Јованка Тренчовска министер за труд и социјална политика и Јетон Шакири министер за образование.


Дезинформациите и манипулативните наративи на македонска почва. Кој ги креира сценаријата за созавање лажна реалност? Каква е свесноста на граѓаните за улогата на медиумите, државата и политиката во заштитата од дезинформации? Можеме ли да ги препознаеме секојдневните манипулации?

Во 24 отворено гостуваат Михајло Лахтов од Ирекс, Јасна Бачовска универзитетски професор, Мери Јордановска од Метаморфозис и Ренате Шредер од Европската федерација на новинари.


Под облакот на војната во Украина, каде чекори Балканот, регионот и Европа? Изборите во Србија и во унгарија покажаа зацврснување на десните сили. Вучиќ и Орбан однесоа сериозни победи во своите земји. Дали тоа ке го детерминира патот за целиот регион? Се отвораат ли стари рани или Европа ќе знае да одигра улога која нема да ги измести земјите од зацртаниот пат кон Унијата.

На овие теми со вечерашните гости, Игор Есмеров, екс амбасадор во Унгарија, Мухамед Халили претседател на Советот на амбасадори и Горан Илиевски, од партијата на Македонците во Србија.


Како се справуваме со дезинформациите, лажните наративи како вовед во информациски војни, се присутни и во македонската реалност секојдневно и постојано. Македонија од земја креатор на лажни вести во времето на велешката група денес ги живее истите проблеми на светот, тоа најдобро го покажа прво ковид пандемијата, сега и војната во украина. Дали секојдневни битки на професионалците со креаторите на лажната реалноста, можат да дадат резултат, кои се изворите на дезинформации, државите политичарите или медиумите. Како и да е во тој брак од интесерс во најчесто страда вистината. На овие теми со вечерашните гости, Катерина Синадиновска од советот за етика, Филип Стојановски од метаморфозис, Зоран Бојаровски, советник за медиуми во владата и снимено интервју на Маја Север долгогодишна новинарка во Хрватска.


Европа во застој, Македонија во минус - руската инвазија во украина удри по светската економија. Растат цените на железото, репроматеријалите, нафтата. Ценовен шок во најава и во Македонија. Нагоре оди и градбата. Ќе каскаат капиталните инвестиции, а цените на становите до плафон. Недостиг на ѓубрива, жито, сончоглед. Ќе предизвика ли и недостиг на храна? Македонската економија во вртлогот на украинската војна.

24 Отворено со Павле Гацов, економски аналитичар, Ивица Јакимовски од Градежната комора, Дрилон Исени извршен директор на Стопанската комора на северозападна Македонија, Крешник Бектеши, министер за економија.


Март 2020. светот е во паника, новиот вирус се шири забрзано. На мапата на Ковид-19 се наоѓа и Македонија. Стра и исчекување и многу нови наративи. Потребни и непотребни набавки на правење залихи на тоалетна хартија, брашно и шпагети. Смртноста во Македонија расте, Вакцинацијата доцни, но забрзани се шират теориите на заговор. Медиумите наспроти или заедно со лекарите? Коронавирусот и дезинформациите - како е со светот, на Балканот и во Македонија? Здравствената криза која ја предизвика пандемијата, креираше многу можности за ширење дезинформации локално, но и на светско ниво. Дезинформациите, теориите на заговор и манипулациите, предизвикуваа силна загриженост кај јавноста, која резултираше со недоверба кон здравствените капацитети. Покрај тоа, изложеноста на дезинформации придонесе јавноста да се обесхрабри и да биде недоволно подготвеност за процесот на имунизација.

Во 24 Отворено гостуваат новинарите Ирена Мулачка, Владимир Петревски, претседателот на Комисијата за заразни болести проф. д-р Александар Петличковски и Мириам Леунисен од германската асоцијација на новинари.