Емисии Емисии Емисии Емисии Емисии Емисии Емисии Емисии Емисии Емисии

Ударни вести

Интервју со режисерот Слободан Унковски


Кои се за правда, а кои се криминалци? Двете најголеми партии маршираа под исто мото, граѓаните збунети, како да се тргне партиската канџа од судскиот систем? ДИК предупреди дека не се подигнати 40.000 лични карти. Во исто време доаѓа и коронавирусот. Како ќе се води кампања и дали ќе има избори во април?

Дебатираме со екс-пратеникот, Павле Богоевски и поранешниот обвинител, Сотир Костов.


Дали партиите од македонскиот политички кампус ќе понудат радикална промена на престојните избори? Колку и како ќе бидат застапени жените – идни пратенички? Дали министерките покажаа дека подобро делат правда, поквалитетно ги менаџираат јавите финансии, имаат стратегија во одбраната и и поголем слух за социјалата? Ставот на жените – фронтменки во двете најголеми партии СДСМ и ВМРО-ДПМНЕ за претстојните избори, за пратеничките листи, за партиските програми и приоритети, за пораките до гласачите.

Дебатно соочување на поранешните колешки во Собранието. Снежана Калевска Ванчева од Форумот на жени на СДСМ и Благица Ласовска од Унијата на жени на ВМРО-ДПМНЕ.


Предизборниот период започна валкано, како ќе продолжи изборната кампања. Власта и опозицијата започнаа меѓусебно да се обвинуваат дека се спроведува црна кампања со црни пари. Како партиите ќе ги убедат аполитичните и неутралните да излезат на гласање?

Во 24 анализа дебатираат Зоран Димитровски, поранешен новинар, Столе Наумов, новинар и аналитичарот Газменд Ајдини.


Власта маршира за правда, граѓаните со прашалници. Што ќе смени толку зборуваниот закон за јавно обвинителство, дали почнувањето на преговори со Европската Унија ќе ја врати земјата на вистинскиот колосек. Пред почетокот на изборната кампања, кои се приоритетите со кои треба да се зафати новата власт?

Дебатираме со Џабир Дерала од НВО „Цивил“, поранешниот пратеник, Љубомир Јосифовски и Петар Богојевски од Македонски концепт.


Ден по распуштање на Собранието. Прва анкета што го опипува пулсот на гласачите. Високи 44% од анкетираните не веруваат на ниту една влада дека може да го намали криминалот и корупцијата. Заев или Мицкоски, кој од нив, според анкетираните би бил подобар премиер? На СДСМ или на ВМРО-ДПМНЕ? Чија влада побрзо би обезбедила членство на Македонија во НАТО и ЕУ? Државната изборна комисија го скрои роковникот. Официјалната кампања почнува на 23 март. Неофицијалната во полн ек. Денска владејачката СДСМ на марш. Опозицонерот Мицкоски бара дебатно соочување со Заев. Анкетите ќе мерат, граѓаните ќе пресечат. Предвремени парламентрани избори 12 април.

Во Тренд анализа дебатираат Владимир Божиновски од Институтот за политички истражувања, Никола Спасов од Агенцијата за испитување на јавното мислење „Рејтинг“ и професорите Мерсел Билали и Самоил Малчевски од реформаторското крило на ВМРО-ДПМНЕ.


Се бројат денови до распуштање на Собранието – мнозинството во трка со времето, опозицијата штанца амандмани. Дополнително масло на политичкиот оган - предлогот за разрешување на минситерката за труд и социајлна политика Рашела Мизрахи - ќе биде ли тригер за опозицијата да излезе на улица? Тесни анкети – ќе биде ли и резултатот уште потесен?

Дебатираaт Ивон Величковски поранешен пратеник и Љубиша Николовски, уредник-аналитичар


Сите се за НАТО и Европска Унија декларативно, но праксата покажува различно. Северна Македонија го ратификуваше протоколот за НАТО предвреме, сите пратеници гласаа ЗА, но дали единството е реално? Собранието не се распушти денеска. ќе се изгласа ли во недела новиот Закон за јавно обвинителство и зошто законот е толку ургенaтен?

Дебатираме со новинарите Горан Момировски и Зоран Иванов.


„Бомбите“ повеќе нема да ечат во судница. Повеќе нема да бидат докази за „Империја“, „Попис“, „Моќник“, „Талир“. Новиот закон за Јавно обвинителство адресиран до Собранието. За опозицијата монархистички и селективен закон. За власта – европско решение што ќе ја врати правдата. ВМРО-ДПМНЕ повикува да не се поддржи. По долгата преговарачка ноќ – власта објави дека е обезбедено потребното мнизинство за поддршка на законот. Кој што и колку добива и губи? Се одбројува до распуштање на Парламентот. Партиските машинерии се распоредуваат на изборниот фронт. Следува изборен циклус во кој клучната битка ќе се води за неопределените.

Во тренд анализа аргументите ги соочуваат Ѓулистана Марковска, поранешна пратеничка од Десницата, Сафет Бишевац поранешен пратеник од Левицата и Петар Арсовски, политички аналитичар.


Собранието одбројува - ќе има ли распуштање на 12 февруари? Бега ли власта од избори, прави ли опозицијата се да се оди на избори без клучниот Закон за ЈО кој го очекува и Брисел? Зошто мнозинството штанца закони по скратена поптапка во 5 до 12, опструира ли опозицијата закони битни за граѓаните? Како ВМРО-ДПМНЕ ќе гласа за членство на Северна Македонија во НАТО, но нема да гласа за Законот за одбрана со новото име на армијата? Ќе има ли ВМРО-ДПМНЕ 61 глас за распуштање во среда, ќе има ли СДСМ 80 гласа за Законот за ЈО? Сите очи вперени во законодавниот дом, каде традиционално се кршат копјата на партиите?

Пратеничка дебата во 24 анализа со координаторот на ВМРО-ДПМНЕ Никола Мицевски, пратеничката на СДСМ Јагода Шахпаска и пратеникот на БЕСА Фадил Зендели.