Емисии Емисии Емисии Емисии Емисии Емисии Емисии Емисии Емисии Емисии

Ударни вести

Како и кој пред очите на институциите една деценија не уплаќал придонеси во вториот пензиски столб?


Заев пред одлука - ќе трча ли на предвремен паралментарен маратон заедно со претседателскиот, Мицкоски го обвинува дека се плаши од соочување со граѓаните по промена на името и законот за јазици. Разногласие и во албанскиот политички кампус – ДУИ не сака избори, Беса и Алијанса за албанците порачуваат дека се добродојдени - но, тивко. Паралелно на Бихаќка неформалната кампања за претседателски кандидат тргна - амбиции и лобирања безброј - ќе бира ли Заев меѓу најдоверливите Спасовски и Шекеринска – колку тврдо партиско решение ќе добие „пас“ од консензуалниот филтер на Ахмети? Дали во оваа консталација на силите Влатко Ѓорчев ќе се наметне како единственото решение на ВМРО-ДПМНЕ што нови изборни превирања ќе значат за условниот датум на Македонија за старт на преговорите? Дебатираат Никола Спасов, Самоил Малчевски и Шпетим Љатифи.


Во грчкиот парламент и вечерва продолжува дебатата, на моменти со остри тонови, во пресрет на утрешното гласањето за ратификација на Договорот од Преспа.

Остри тонови на релација власта - опозиција, на улиците масовни протести. Демонстрантите што се против ратификацијата на договорот од Преспа со грчки знамиња во рацете и со транспаренти се собраа на повеќе локации во Атина.

Грчката полиција и вечерва употреби солзавец за да ги растера насобраните. Гласањето за ратификација одложено за утре.

Во отвореното студио на 24 анализа гости се: Исмет Рамадани, Никола Дујовски и Александар Кржаловски


Вештачкото срце стана реалност и во Македонија. Како изгледа, како се вградува и функционира, колку вештачкото срце го продолжува животниот век? За најкомплексниот оперативен зафат во кардиохирургијата кој чини 100-тици илјади евра. Во 24 анализа гостуваат кардиохирургот Жан Митрев и супспецијалист кардиолог д-р Тања Анѓушева од Клиниката на Митрев.


Дали пазарите ќе останат со празни тезги – револтот на пазарџиите ескалираше. Новиот закон што требаше да воведе ред – направи хаос. Kој си поигрува со судбината на илјадници семејства што живеат од трговија на зелените пазари? Нови давачки, трошоци за лиценци - кој ќе профитира, а кој ќе биде губитник со законот за трговија на зелени пазари.

Во вечерашното издание на Тренд анализа соочување на спротиставените. Крешник Бектеши министер за економија, Екрем Долек Комора на трговци, Љупчо Лазевски потпретседател на групацијата на пазари при Стопанската комора на Македонија и закупци на тезга на зелените пазари.


Законот за употреба на јазиците стигна пред уставниот суд. Опозицијата обвинува најави крвични пријави за претседателот на Собрание, Џафери и директорот на Службен весник, Костовски. Владата тврди - унитарноста на државата не е доведена во прашање, ниту пак се воведува целосна двојазичност – туку се овозможуваат услови за спроведување на едно заедничко општетсво за сите и се става крај на национализмот. Во 24 анализа гостуваат Људмил Спасов, универзитетски професор, како и политичките аналитичари, Тодор Пендаров и Газменд Ајдини.


Се плаши ли СДСМ од предвремени парлементрани избори – по промената на уставното име и Законот за албански јазик? Ги бара ли ВМРО-ДПМНЕ, а „моли бога“ да не ги добие - особено откако тивко помогнаа уставните измени да поминат без поголема драма? Плати ли Македонија преголема цена за европските интеграции, која е неизвесно дали и кога ќе и се исплати, кои ќе бидат последиците за власта, кои за опозицијата во целиот тој процес? Колку ќе ги чини граѓаните новиот Закон за јазици, зошто власта го донесе на сила, ќе одговара ли некој кривично, што ќе значи повикот за бојкот од опозицијата до институциите, дали ако ВМРО-ДПМНЕ беше на власт ќе го бранеше со истата жестина со која сега го напаѓа? 
Во 24 Анализа, дебата меѓу потпретседателот на СДСМ и член на извршниот одбор, Дамјан Манчевски и координаторот на пратеничката група на ВМРО-ДПМНЕ и дел од Извршниот комитет, Никола Мицевски. 


Законот за употреба на јазиците, кој веќе ја доби конечната форма, предвидува унапредување на официјалната употреба на албанскиот јазик, или како што се вели на јазиците на етничките заедници кои сочинуваат повеќе од 20 проценти од вкупниот број на населението во Македонија. Македонија и официјалано стана двојазична. Законот за албански јазик и законот за ратификацијата на договорот од Преспа се објавени во Службен весник само со потписот на претседателот на Собранието, Талат Џафери. Законот за јазици е дел од коалицискиот договор за влада меѓу Зоран Заев и Али Ахмети и со него албанскиот јазик станува службен јазик на целата територија. анализа. Што носи законот за употребата на јазиците и до каде е Македонија со реформскиот пат, разговараме со Артан Груби, пратеник во ДУИ, организациски секретар во партијата.


Тензијата се сели во грчкиот парламент поради Преспанскиот договор. Ќе гласа за доверба на владата на Ципрас? Преговори за мнозинство, екипирање, оставки на министри во кабинетот на грчкиот премиер. Одлуката на официјална Атина ќе пресуди на договорот од Преспа. Премиерот Заев ја официјализираше „Република Северна Македонија“. Од каде и како ќе започне примената на уставните измени. Во 24 тренд анализа Универзитетските професори Љупчо Ристевски движење „Интегра“, Нано Ружин, поранешен дипломат и Мерсел Билали, политички аналитичар


Пратениците со 81 глас и речиси без збор ја изгласаа Северна Македонија. Се смени и преамбулата, формулацијата за дијапсората, а се потенцира и границата. Седум месеци откако Македонија и Грција го потпишаа договорот во Преспа - земјава ги исполни обврските. Притоа, согласно Конечната спогодба со Република Грција, се предвидува стапување во сила на амандманите со денот на ратификација на Спогодбата и Протоколот за пристапување во НАТО од страна на Парламентот на Република Грција. Гости во 24 анализа се аналитичарите Сафет Бишевац, Исмет Рамадани и Михаил Пановски.