Во отвореното студио на 24 анализа, покрај редовните вклучувања во живо од прес-конференции на релевантните извори за оваа ситуација, гости во студиото немае, но, затоа онлајн гостуваа д-р Ненад Лазов - матичен лекар, кој уште пред проширувањето на пандемијата од Кина ја следи состојбата, нашиот светски познат оперски пејач Благој нацоски кој се јави од Италија како најпогодена земја во светот, задно со д-р Нина Митева - стоматолог за стоматолозите и нивните пациенти во оваа ситуација, но и поранешниот новинар во ТВ 24, Пеце Ацев кој извести за ситуацијата во првата погодена земја на Балканот, Хрватска. Заедно со нив ќе биде и Денис Јанкуловски - активист за човекови права на лицата со нетипичен развој, со кој ќе поразговараме за самоизолацијата на семејствата кои имаат многу поголеми предизвици во вакви услови.

Со претседателот на Собранието Талат Џафери

Гостин: доктор Никола Пановски

Воено профитерство - цената на литар масло за јадење 73 денари?. Вештачки пораст на цените и на други прехранбени производи. Кој ја злоупотребува состојбата? Дали има потреба од панично купување на храна? Колку можат да издржат стоковите резерви? Што бара бизнисот од Владата - како помош за шетите кои веќе се видливи?

Гостуваат Никола Поповски универзитетски професор, Абдулменаф Беџети академик, Александар Зарков - ССК, Фатмир Битиќи.

Светот и Македонија во ек на коронавирус. Надлежните, очекувано ги заоструваат мерките. Во ТВ24 интервју со ректорот на УКИМ, проф. д-р Никола Јанкуловски. Во емисијата меѓудругото се разговараше за образованието и науката, автономијата на Универзитетот.

Градоначалникот на Скопје Петре Шилегов почна со вадењето на галиите од реката Вардар, тврди дека ќе отстранува и споменици. За опозицијата Шилегов не знае ништо, освен да урива. До каде се ветените мостови и собраќајници? Како најголемиот град Скопје досега ги сноси најголемите последици од корона вирусот? Мерките ги носи централната власт, но што може да направи и локалната?

Во 24 анализа гостин е Петре Шилегов, градоначалникот на Скопје.

Мигрантската криза зема замав, ситуацијата станува тензична и драматична. Турција ги отвори границите, но Грција ги затвори. Состојбата не се решава и може да дојде до повторување на мигрантската криза од 2015 и до реотварање на балканската мигрантска рута на која е и нашата земја. Кои се кричините за кризата?

Гости во 24 анализа се Милан Стефановски воено политички аналитичар и Благој Цонев универзитетски професор.

Колку лажните вести може да влијаат на изборниот процес? Тенка е линијата меѓу пропагандата и намерната манипулација.Предизборието започна со црна кампања, каква ќе биде изборната. Партиите ги кројат листите со пратеници. СДСМ на 12 април ќе трча заедно со БЕСА. ВМРО-ДПМНЕ со своја коалиција, ДУИ и Алијансата самостојно.

Во телевизија 24 дебатираат Александар Чомовски новинар, Јасна Бачовска, универзитетски професор и Гоце Пачемски од „Имиџ пиар“.

Светот нема да го гледа стартот на мото Ге пе шампионатот во кралската класа во Катар. Во Париз и Лувр под клуч. Откажан престижниот француски книжевен настан „Салон на книгата“. Берлин го откажа светскиот туристички саем. Во Кина, бројот на заразени од корона вирусот се намалува. Но, Европа е во пик. Освен Италија и Франција се соочува со голема бројка на заразени. И во Македонија се откажуваат јавни настани. Драмски ги затвори вратите, спортските натпревари без публика. И во светот и дома, секое откажување значи финансиката загуба. На глобалниот пазар цената на нафтата во пад, а златото во пораст. Македонските граѓани откажуваат турстички аранжамани. Но, и странски туристи откажуваат престој во земјава. Треба или не да се патува? Дали корона вирусот ќе и наштети на трговијата, на компаниите,на протокот на капитал, на финансии, на стандарот?

Во 24 тренд анализа одговорите од Љупчо Јаневски, Агенција за туризам, Висар Адеми економски аналитичар, Владимир Филиповски универзитетски професор и Ангел Димитров, претседател на организација на работодавачи.