Емисии Емисии Емисии Емисии Емисии Емисии Емисии Емисии Емисии Емисии

Ударни вести

Каде чекори економијата и дали се ќе зависи од вакцинацијата?


Повторно на маса македонско - бугарскиот спор - дали ќе се разбуди совеста на Европа? Зошто НАТО одбива да издаде безбедносни сертификати за македонски воени претставници, дали некои политичари се проблематични? Како се случи да добиеме вакцини од Србија? Зошто одбивавме кинески и руски вакцини? Како дојде до пресврт, дека здравјето е поважно од политиката? Што порача за ТВ24 европарламентарката со македонско потекло - Ирена Јовева за словенечката поддршка и неприфаќање на бугарското вето? 

Дебатираа Едмонд Адеми - СДСМ, Стефан Андоновски - ВМРО- ДПМНЕ, Нано Ружин - екс амбасадор во НАТО.


Што се случува во опозициската ВМРО-ДПМНЕ? Иницијативи за нов конгрес за смена на Мицкоски. Кој стои позади, незадоволни членови или други интереси? Имаат ли сила иницијаторите да го сменат Христијан Мицкоски, кој е најсериозен кандидат за неговото место? ВМРО-ДПМНЕ во последните години ниже изборни порази, дали се уште е во сенка на политиката на Груевски или проблемот е во лидерството?

Дебатираме со добри познавачи на состојбите во опозицијата, Тони Науновски и Љупчо Златев.


Етничка определба во личните карти - граѓанска или држава на етникуми. Што е Македонија? Левица ќе блокира, ВМРО-ДПМНЕ прифаќа националноста да е запишана, ама без Северна, СДСМ нема проблем, БЕСА инсистира. Кој го прашува народот? Ромските невладини стравуваат од дополнителна дискриминација, а прашањето е и како едно вакво решение ќе се рефлектира на Преспанскиот договор. Многу прашања и многу одговори.

Во 24 аналиаза со Борислав Крмов од Левица, Горан Лефков од ВМРО-ДПМНЕ, Славјанка Петровска од СДСМ и Фадил Зендели од БЕСА.


Како се делеле проекти во Министертвото за култура. Секоја година бурни реакции, обвинувања за селективен избор. Кој добиваше, а кој излегуваше од игра за буџетска помош? Финансиската полиција ќе го чешла работењето на Министерството за култура изминатите пет години. Во Министерската фотеља ротираа повеќе министри,  ама проблемите останаа. Деполитизација и департизација. Дали е можно овие етикети да се одлепат од културата?

Дебатираа Крсто Јовановски - актер, екс-пратеник од ВМРО-ДПМНЕ, Перо Арсовски - актер, член на Совет за култура на СДСМ, Милчо Манчевски - режисер, Хусни Исмаили - поранешен министер за култура.


Гости вo 24 анализа беа доктор Илчо Ефковски специјалист по трудова медицина, доктор Ненад Лазаров и Владимир Лазаревиќ, експерт за здравствени системи.


Власта и опозицијата не можат да се договорат околу пописот, а рокот во април се наближува. Земјава конечно ќе добие кинески вакцини. Кога Македонија ќе добие колективен имунитет? Ќе се чека ли до 2022. Наместо подобрување, односите со Бугарија одат по надолна линија, се чека ли на влијанието на Вашингтон.

Дебатираа пратениците на СДСМ и ВМРО-ДПМНЕ, Ненад Коциќ и Петар Ристески. 


ВМРО-ДПМНЕ побара предвремени избори. Премерот Заев експресно го отфрли предлогот. На врата тропаат локални избори. Мобилизација во редовите на власата и на опозицијата. Нова изборна година во која ќе се брои ветеното, оствареното и неоствареното. Уште не почнат, пописот им збоптиса на граѓаните. Статистичарите се подготвувааат за теренско пребројување на граѓаните, политичарите се уште тактизираат. Власта сака да ја стартува операцијата на 1ви април. ВМРО-ДПМНЕ собира потписи за уривање на пописот. Рецесијата е зад нас, но дали не чека економско заздравување? Отпис на камати за долгови, туристички ваучери од 250 евра. Бескаматни кредити за фирмите, но дали помошта ќе стаса навреме и на вистинска адреса?

Во 24 анализа Љупчо Зиков и Иван Јорданов од ВМРО-ДПМНЕ.


Гости: Вицепремиерот за борба против корупција и криминал Љупчо Николовски и универзитетскиот професор Борче Давитковски


Со помести рокот за вакцини, прво беше јануари, па февруари, сега март. Се наближува и пописот, но и најавата за непризнавање на резултатите и бојкот на процесот. Од Бугарија не престанува негирање на македонскиот идентитет, можно ли е решение?

Дебатираа добрите познавачи на политичката сцена, Александар Пандов и Џељо Хоџиќ.