Емисии Емисии Емисии Емисии Емисии Емисии Емисии Емисии Емисии Емисии

Ударни вести

Интервју со министерот за економија Крешник Бектеши


Пендаровски се сретна со европратеникот Жбиогар и најави реформи во Агенцијата за разунавање. На инаугурацијата на Пендаровски не присуствуваа претседателите на двете најголеми партии Заев и Мицкоски. Со назначувањето на Пендаровски  се очекува деблокада на процесите на релација извршна власт, претседател, законодавна власт, но се поставува прашањето дали сето ова ќе се случи со избегнување на употреба и злоупотреба на концентрацијата на власт на владејачкото мнозинство. Во очекување на датумот за преговори  со ЕУ се поставува уште едно прашање, дали најавените кадровски и квалитативни промени во редовите на извршната власт, ќе се спроведат и ќе бидат значајни.

Гости се: Павле Богоески независен пратеник, Панчо Минов пратеник - „ГРОМ“ и Фадил Зендели, пратеник - движење „БЕСА“


Владата најавува минимална плата од 13.000 денари. Може ли стопанството да го издржи новото зголемување на минималецот? Дали се уште се ддели плата во плико? Како да се џголеми продуктивноста на работниците и да се подобрат работничките права?

Вечерва во 24 анализа со Наташа Стојановска, дебатираат, Благица Петрески од Finance think, Ангел Димитров од организацијата на работодавачи и Дарко Димовски од ССМ.


Започна 31тото издание на Саемот на книгата во Македонија. Колку Македонците читаат книги? Гости се Бојан Саздов, „Три“ издавачки центар, Татјана Алексиќ наставник колумнист и Фросина Пармаковска писател.


Дали со влегувањето во НАТО, Северна Македонија станува мета на екстремниот тероризам и потенцијална цел на руските ракети? Агресивната стратегија на Владимир Владимирович Путин ја исплаши Европа, има ли западот одговор?

Телевизија 24 има екслузивно интервју со генерал Патрик Дестремо, директор на Институтот за високи студии на националната одбрана на Франција.

Продолжуваме со разговор со амбасадорот Ѓорги Филипов, какви предизвици го очекуваат новиот претседател, што всушност значи посетата на папата.


Стево Пендаровски е новиот претседател на државата. Европската Унија и НАТО со честитики. Република Северна Македонија го избра прозападниот кандидат – анализираат светските медиуми. Сиљановска изгуби со 58 500 гласови, но на ВМРО-ДПМНЕ му донесе повеќе од 377 илјади гласачи. Дали опозицијата ја враќа политичката сила или пак по загубата на претседателските избори, Мицкоски ќе се соочи со внатрепартиски пристисок за реформи? Власта го прошири влијанието, поголема моќ носи поголема одговорност. Славеничката еуфорија ќе помине – граѓаните повторно ќе чекаат резултати. Од каде ќе заигра „метлата“ што ја најави Заев?

За изборните резултати и што потоа – анализираат Мерсел Билали, професор и надворешен соработник на премиерот, Јове Кекеновски професор и предводник на движењето за реформи Фродем, и Сафет Бишевац – поранешен пратеник и новинар.


Земјава одбројува до вториот круг од претседателските избори, финиш на кампањата – двајца кандидати и два концепти – чиј ќе биде најприфатлив на граѓаните. Освен битка за победа, кандидатите се борат и со излезност – ќе го стигнат ли цензусот од 40%?

Што ќе значи за земајва доколку изборите не успеат, Силјановска Давкова и Пендаровски в недела стартуваат со речиси изедначен резултат. Каде ќе се прелеат гласовите на Албанците и дали тие воопшто ќе бидат мотивирани да гласаат? Има ли пазар под маса? Ќе летаат ли лидерски оставки по евентуалниот пораз и во власта и во опозицијата?

Дебатираат потпретседателот на СДСМ Дамјан Манчевски и членот на ИК на ВМРО-ДПМНЕ Влатко Ѓорчев.


Македонија ги преживува своите кризи после политичките, безбедносните, идентитетските, земјата ја живее кризата на довербата во политиката. Граѓаните не веруваат веќе ниту на власта, ниту на опозицијата, критичната маса е разочарана од лажните ветувања и погрешните политики. Нагоре високо, надолу длабоко, како понатаму?

Разговараме со независни претставници на идеолошката левица и десница. Гости се: Гордан Георгиев и Петар Богојески.


Скандинавски избори, но со историски најниска излезност од само 42 насто. Пендаровски со само 4.600 гласови предност во однос на Сиљановска Давкова. Блерим Река освои 10,57 насто. Каде ќе завршат овие гласови во вториот изборен круг? Дали владејачката ДУИ стои зад „тивкиот“ бојкот или навистина ја изгуби политичката сила на терен? Во однос на локалните избори и СДСМ и ВМРО-ДПМНЕ со стопена поддршка. Партиските гласачи на терен, дали пресудија неопределените, демотивираните и разочараните?

За изборните резултати дебатираат: Арбен Таравари – Алијанса на Албанците, Игор Јанушев - генерален секретар на ВМРО-ДПМНЕ, Александар Кирацовски – генерален секретар на СДСМ.