Емисии Емисии Емисии Емисии Емисии Емисии Емисии Емисии Емисии Емисии

Ударни вести

Дали можеше да се изигра поинаку и на надворешно политички план?


Ќе ги помести ли денешната средба Бучковски - Борисов тврдите зацементирани линии на Бугарија? Анализа на вчерашното обраќање на премиерот Зоран Заев, како се појави непопустлив став и поостра реторика. Зошто Германија е премногу млака кон Бугарија?

Во анализа дебатираат политичките аналитичари Ким Мехмети, Алберт Муслиу и Петар Арсовски пр експерт и аналитичар.


Kаде сега Mакедонијо? Eвропската Унија повторно ја изневери земјата, од Германија велат почекајте уште малку, расте револтот против бриселската политика. Треба ли Северна Македонија да се откаже од европскиот пат или трпеливо да ги чека следните рокови? Грешка ли е што надлежните одбиле Македонија да влезе во Европската економска зона како замена за влез во ЕУ?

Дебатираа универзитетскиот професор, Жидас Даскаловски и со новинарката Слободанка Јовановска која долги години беше известувач од Брисел.


Македонија денеска доби второ вето од Бугарија на Советот за општи работи на ЕУ. Скоро непостоечки се шансите за датум за прва меѓувладина конференција и покрај тоа што следните денови ќе се одржи Европски Совет. Пораз за Меркел или победа за Борисов? Германскиот министер за Европа Михаил Рот на денешната прес конференција изјави дека е лично разочаран, но Македонија да не се обесхрабрува и да бараплан Б. Ќе се работи за време и на Португалското претседателство. 

Гости во 24 анализа се: Марија Ристеска - директор на Центар за истражување и креирање на политики, Иван Стефановски - извршен директор на ЕВРОТИНК и Малинка Ристевска Јорданова - Институтот за европска политика.


Вакцинација. Обуката на здравствените работници започна - кога ќе започне наголемата операција во здравството? Дали Македонија и во овој случај ќе каска зад другите земји ? Вакцината ќе биде доброволна – но не достапна за сите. Кој ќе се најде на приоритетната листа? По примени две дози - колку долго ќе трае имунитетот? Во пресрет на имунизацијата - притисокот во болниците се одржува. Бројот на заразани во однос на тестирани се движи околу 30 отсто. Зошто не стивнува црниот биланс на починати? Македонија е рангирана високо според смртноста од Ковид 19 - кои се причините?

Во 24 анализа гостуваа професор доктор Aлександра Грозданова, претседател на Комитетот за имунизација и професор доктор Владо Димов, поранешен министер за здравство.


Зоран Заев се крсти во Ангела Меркел, Бојко Борисов пак не пропушта шанса да го оспори македонскиот идентитет. Колку минималните шанси за старт на преговорите можат да бидат реални? Дали Владо Бучковски е џокер во ракавот на Заев или пак само привид дека Владата прави нешто? Дали комисијата за историски прашања ќе го реши Гоце Делчев и ќе го отвори патот до Брисел? Опозицијата на улица - обвинува за национално предавство. Зошто власта се плаши од заедничка државна декларација со опозицијата? Колку уште едно европско вето ќе го однесе Заев во историјата?

Аргументите ги вкрстуваат Игор Јанушев, пратеник и член на ИК на ВМРО-ДПМНЕ и Андреј Жерновски, екс- заменик министер за надворешни работи и член на ЦО на  СДСМ.


За што преговара македонската Влада со Бугарија, за отварање на европскиот пат или за национално предавство. Дали човекот кој стана дел од спорот со Бугарија е подготвен да се извини на шефицата на бугарската дипломатија? Кои се македонските црвени линии?

Дебатираа новинарот Зоран Иванов и пратеникот на ГРОМ Љупчо Пренџов


Диви орди, хистерични лидери на партии, небањати вмро-овци, комуњари, северџани, патриоти и предавници. Поделбата на ваши и наши кои едни на други секојдневно си се честат со што е моно полоши епитети. Во секојдневниот говор не изостануваат ниту желбите за пропаст, линч, па дури и смрт. Ниту разорниот коронавирус не успева да го разбуди човечкото во нас. Што го тера човек на човека да му е волк? Од каде извира злото? Дали, кој и кога може да му стави крај на говорот на омраза? Може ли разумот да ја надвладее страста?

Гости во 24 анализа се Димче Арсовски од ВМРО-ДПМНЕ и комуникологот Сеад Џигал.


Подгрева ли власта големи очекувања за позначајно економско заздравување догодина? Во план е да се потрошат милијарди евра. Владата тврди, парите ќе завршат кај граѓаните и фирмите. Опозицијата возвраќа, буџетот е партиски. За железници 36 милиони евра, за гасификација повеќе од 12 милиони евра, за водовод и канализација 7 милиони евра. Амбициозни планови за капитални инвестиции. Која е линијата која ги дели остварливите од популистичките проекти? Се најавува следење на патот на парите за јавни инвестиции. оние што нема да ги реализираат ќе останат без сретствата. Новиот буџет во Собранието, опозицијата го пречека со повеќе од 500 амандмани. За саботажа или предлози што нудат квалитетни решенија за подобра економија.

Аргументите ги соочија министерот за транспорт и врски Благој Бочварски и пратеникот и член на ИК на ВМРО-ДПМНЕ Иван Јорданов.


Додека Македонија се занимава со теми од широк национален интерес, некако странично изминува можеби најголемата банкарска афера во самостојна Македонија – пропаѓањето на Еуростандард банка.

Судот на барање на обвинителството го замрзна имотот и парите на поранешниот сопственик на банката Трифун Костовски, во отворената истрага за Еуростандард. Како се делеле кредити, зошто голем дел од нив биле без покритие? Дали станува збор за организиран криминал во кој ќе изгорат 60 милиони евра, пари на коминтенти и депоненти на банката?

Во 24 анализа на оваа тема дебатираме со сопственикот Трифун Коствски, поранешниот директор на банката Николче Петковски, претставник на штедачите на банката Љуљзим Селами и шефот на финансиската полиција Зрафат Муареми.