Емисии Емисии Емисии Емисии Емисии Емисии Емисии Емисии Емисии Емисии

Ударни вести

Ќе има ли пари за пензии, плати, социјални трансфери, за подршка и помош на приватниот сектор?


Конфликтот помеѓу Ерменија и Азербејџан се претвори во општа војна, зад двете земји стојат нивните заштитници, Русија и Турција, дали борбите ќе го вовлечат и НАТО во конфликтот кој има интерес токму сега да почне војната на местото каде поминува енергетскиот тек кој требаше да ја снабдува Европа со гас. Станува ли Турција регионална супер сила, или претседателот Ердоган премногу ги развлече капацитетите на земјата, од Северна Африка до Кавказ?

Дебата со воено безбедносните аналитичари Благоја Марковски и Милан Стефановски, како и со поранешниот дописник од Москва, Мирче Адамчевски.


Законодавниот дом повторно под рафали на обвинувања и закани за блокади - одлуките за вонредни сосотојби немаа да бидат потврдени од пратениците. Како тоа ќе се одрази врз мерките кои произлегоа од нив, зашто опозицијата гласа против кога дел од вонредните сосотојби ги бараше и самата? Направи ли се владата за да добие поддршка? Ќе има ли одговорност за одлуките кои произлегоа од уредбите, а кои уставен ги укина? 

Во отворената програма 24 анализа дебата меѓу пратениците: Дафина Стојановска ВМРО-ДПМНЕ, Хусни Исмаили коалиција Алијанса за Албанците-Алтернатива, Снежана Калеска Ванчева СДСМ, и Арбр Адеми ДУИ.


Викенд без ддв. Платежна картичка со 6000 денари, грантови за ресторани, игротеки, дискотеки. Дали новите владини мерки се по мерка на граѓаните и фирмите? Една милијарда евра за справување со последиците. Дали оваа сума е доволна да се купи економска извесност во услови на здравствена неизвесност? Сега се троши, утре треба да се вратат долговите. Чекори ли македонската економија на прав пат? Нов пакет мерки за помош и поддршка. Опозицијата и од македонски и од албанскиот блок во напад. Кои се аргументите на критиката?
 
Дебатираат Димитар Ковачевски заменик министер за финансии, Гордана Димитриевска Кочовска од ВМРО-ДПМНЕ и Ариф Муса од Алијанса за Албанците.

Амнестија, аболиција или колективна амнезија или конечно право и правда, по којзнае кој пат најавувана - до кога превезот врз лицето на Јустиција ќе биде обоен со политичка боја? Ќе има ли сила новиот министер за правда да стави крај на партиските и бизнис влијанија во третата власт?

Реизбор, па ветинг, сега прочистивање - иста плоча со ист епилог или пак вистинска волја за проветрување. Јавен обвинител на предлог на опозицијата и ревизија на сите случаи кои сметаат дека треба да бидат отворени, меѓу кои и оној за масовното прислушување – дел од барањата кои опозицијата синоќа ги испрати од протестот од пред Кривичен. Лидерот на ВМРО-ДПМНЕ обвини дека судството и обвинителството се инструменти на мафијата предводена од власта.

Можни ли се тектонски промени во правосудството од кои ќе бидат задоволни и граѓаните и опозиционерите, но и Европската унија? 

Во 24 Анализа дебата меѓу министерот за правда, Бојан Маричиќ и претседателот на правната Комисија на ВМРО-ДПМНЕ, Тони Менкиноски.


Нека го слави Гоце Делчев кој сака, вели претседателот Пендаровски. Софија не попушта, бара Македонците да признаат дека се вештачка нација создадена во 1945. Како земјата ќе излезе од маѓепсаниот круг на апсурди и негирања, ќе ги игнорира ли Брисел бугарските барања? Колку е важна опозицијата во овие историски процеси, може ли ВМРО-ДПМНЕ да се консолидира на европскиот пат, како што бараат сестринските европски партии. Полицијата го казни премиерот Заев и министри за собраќаен прекршок, најава за правна држава или ефтин ПР?

Дебатираа Петар Богојески од Македонски концепт, Страшо Ангеловски, основач на една од првите партии во Македонија, МААК конзервативна и Љубомир Јосифовски, екс - пратеник на НСДП.


Ново одложување на ратите за кредити - кој ќе има право да бара и за кои кредити? Банките со профит од скоро 45 милиони евра во првото полугодие - добивките се топат, но секторот и натаму профитабилен. Дали на време и вистински, банките им помогнаа на граѓаните и на фирмите во времиња на тешка економска криза? Пропаѓањето на еуростандард банка го отвори прашањето - дали е разнишана довербата во банкарскиот сектор.

Анкети - што мислат граѓаните за банките. Што велат банкарите, дали е стабилен секторот? Како може банкарите да и помогнат на економијата, дали има услови за поевтини кредити? Банките имаат вишок пари - дали ќе станат клучни финансиери на владата или планираат засилено кредитирање и на фирмите и на граѓаните.

Дебатираа: Петар Гошев поранешен гувернер, Глигор Бишев директор на Шпаркасе банка и Марјан Петревски униврезитетски професор.


Власта на раб на кворум, опозицијата на протести, Собранието дише на шкрги. Зоран Заев не доби 100 дена мир од Хрисртијан Мицкоски. Опозицијата на улица за да ја урне како што велат „мафијата на власт“ или да ја спаси фотељата на Христијан Мицкоски? Власта повторно најавува бескомпромисна битка со корупцијата, крај на криминалот и смена на неработниците - ветувања кои ги слушаме од 2017-та. Зошто сега да и веруваме, особено по фактот дека голем дел од функционерите се истите од пред 3 години. Заев е премиер, клучните ресори ги има Ахмети.Како лутите изборни сопарници, ќе бидат сојузници? Ќе загинат ли политички функционерите на СДСМ во борбата со корупција или пак власта корупција ќе бара само кај опзиционерите? Зошто пратеничкиот билет, сите бараат да го сменат со директорска фотелја и а изигруваат ли волјата на граѓаните?

Дебата со потпретседателот на СДСМ и пратеник Мухамед Зекири и координаторот на пратеничката група и член на ИК на ВМРО-ДПМНЕ Никола Мицевски.


Македонско-бугарските односи повторно во слепа улица. Софија се заканува да ја затвори рампата за европскиот пат на својот сосед. ЧиЈ е Гоце Делчев, македонец или бугарин, може ли да биде заеднички херој? Дали писмата на илинденците се потез со кој бугарија сака да ја матира македонија, што вели науката?

Дебата со Виктор Канзуров еден од декларираните бугари од Северна Македонија, аналитичарот Благојче Атанасовски кој упати отворено писмо до бугарската влада и новинарот Тодор Пендаров кој се спротиставува на договорот со Бугарија.


ВМРО-ДПМНЕ не и даде на владата џенталменстки 100 дена постизборна шанса. Опозицијата на улица. Бара враќање на старата цена на струјата. Енергетските компании генерираат милионски профити. Дали можеше да се избегне поскапувањето? Власта пакува нови мерки за економска помош, опозицијата започна со протести, граѓаните во грч. Како ќе се преживее новата зимска сезона? Соочување на првиот човек на ЕСМ Васко Ковачевски од СДСМ и Стефче Антовски од ВМРО-ДПМНЕ.