Емисии Емисии Емисии Емисии Емисии Емисии Емисии Емисии Емисии Емисии

Ударни вести

Каков белег остави корона пандемијата врз светот во 2020 и какви последици ќе има во 2021?


Сите бараме брзи и волшебни решенија од науката, ама никој не сака да ја работи. Веќе докажаните умови одат во пензија, младите надежи заминуваат во туѓина. Имаме научници од светски калибар, а научните установи не ни се ниту во првите 1.000 во светот. Алармот во високото образование е одамна запален, Буџетот е доволен само за преживување. Зошто и каде се разидуваат патиштата на науката, политиката и општеството? Зошто академската заедница е изолирана од решавањето на современите проблеми? Што и’ стои на патот на македонската наука?

За ова и многу повеќе со професор доктор Трајче Стафилов.


Година на искушенија - здравствени, економски, политички. Пандемијата го загрози општеството во сите пори. Падемијата на Ковид 19 беше разорна за економијата. Се бараа пари дома и во странство за да се ублажат штетите. Јавниот долг што ќе го враќаат идните генерации достигна рекорд. Ковид кризата удри по речиси сите сектори и дејности. Но, ја разбуди и креативноста. Уметниците со забавено темпо твореа, но не запреа. На политичката сцена - предвремени парламентарни избори. Македонија стана 30-та членка на НАТО, но Европската Унија не извиси.  Каде згрешивме? Збогум на 2020-та, една од историски најтешките години. По што ќе ја паметиме?

Гостуваат актерите Благоја Чоревски и Васил Зафирчев, економистот, професор Марјан Петревски и новинарот колумнист Љубиша Николовски.


Македонско-бугарските односи и спорот, кои се решенијата за да се промовира пријателството. Зошто македонскиот идентитет, јазик култура и историја се пречка? Дали се неопходни нови учебници, по историја и географија?

Дебатираме со Огнен Вангелов член на Комисијата за историски и образовни прашања, Симона Груевска од Институтот за македонски јазик и Сашо Орданоски главен уредник на Утрински брифинг.


Што сега Бугарија бара од Македонија, во новиот бран барања? Захариева зборува за стопирани инвестиции, неможност на бугарски компании да инвестираат во државата. Што е спроведено за Коридорот 8 од двете страни според Договорот за добрососедство? Дали само Македонија го запоставила тој дел од работата? Има ли надеж за поправање за македонско - бугарските односи или Софија предизвика нарушување кое ќе трае со години, можеби со децении?

Дебата со претседателот на македонско-бугарската Стопанска комора, Кирил Лазаров и политичкиот аналитичар, Благојче Атанасовски.


Корупцијата како современ пиреј на нашата демократија. Уште колку акции, планови и ветувања за победа над овој инванзивен вид? Власта гарантира резултати идната година - опозицијата обвинува за притисоци и заплашувања. Кој ја спушта рампата во ловот на крупните ѕверки? Финансиската полиција истражува во чии џебови завршија парите од Еуростандард банка. Се проверува ли работењето и на други функционери или случајот Лидија Димова ќе остане осамен во борбата против корупцијата? 

Одговор на овие прашања од претседателката на Антикорупциска, Билјана Ивановска и првиот човек на Финансиската полиција, Арафат Муареми.


Власта се моблизира за најголемата статистичка операција попис. По цели две децении ќе се пребројува неселението. Попис без етничка графа, никаде во светот не се попишуваат државјани. Опозицијата се спротиставува. На 1ви април ќе се пребруваат не само оие кои живеат во Макеоднија, туку и оние кои пријавиле “примверемен престој во странство“. Дали ќе добиеме вистинска слика колку не има, дома и во светот? Зошто Македонија остана лидер во светот како змејава која дваесет години не направила попис? Дали и сега се заканува бојкот? Или власта ќе ја спроведе операцијата која освен политичка има и економската тежина.

Дебатираа Апостол Симевски, директор на Заводот за статистика и пратениците Иванка Василевска од ВМРО-ДПМНЕ и Халил Снопче од Алијанса на Албаниците.


Ситуацијата со коронавирусот отвара многу прашања за кои јавноста треба да добие одговори, особено сега кога сме нас прагот на масовна вакцинација во светот и кај нас.

Гости во анализа се проф. д-р Александар Петличковски, директор на Клиниката за имунологија и доктор Харис Бабачиќ, лекар-истражувач на Каролинска институтот во Шведска.


Претседателот Пендаровски порачува, членството во ниту една организација не е вредно ако бараат да се обезличите? Дали Македонија се откажува од членството во ЕУ поради бугарските барања? Што би добила државата и од влез во ваквата Европска Унија каде услов за членство е менување на идентитетот? Дали Бугарија е само параван пред други европски земји кои не сакаат веќе да се прошируваат со мали, сиромашни и проблематични држави? Можеме ли самите понатаму?

Дебатираа Љупчо Ристовски, претседател на Интегра и Никола Дујовски декан на Факултетот за безбедност


Страв, стигма, вознемиреност - зад болничките врати, изолирани од семејството и најблиските. Кои се психолошките предизвици на пациентите со ковид во битката против вирусот. Изолацијата, карантините, затворањето во домовите, тешко ги поднесуваат поголемиот дел од граѓаните - во аптеките зголемена е побарувачката на антидепресиви. Сите некако стануваат се повеќе асоцијални а човекот е социјално битие има потреба да општи да гушне некого да прегрне емоциите се тие што го одржуваат. Психолошкиот притисок е најголем кај здравствените работници - во скафандери, со тешко болни, секој ден веќе десетти месец по ред во првите борбени линии.

Епидемијата го промени и животот на децата - наместо во училиште пред компјутер - речиси цела година едукација онлајн - изостанува ли психолошко педагошкиот дел во образованието - како наставниците, но и учениците се справуваат со епидемијата. Дали новото нормално е нормално? Ќе се врати ли некогаш животот каков што беше пред епидемијата?

ВО 24 анализа со доктор Васка Митова психијатар од Универзитетската клиника за психијатрија и со професорката Татјана Стојановска Иванова од Филозофскиот факултет - за тоа какви психолошки и социолошки траги остава коронапандемијата зад себе.