Емисии Емисии Емисии Емисии Емисии Емисии Емисии Емисии Емисии Емисии

Ударни вести

Што ќе содржи, кој ќе биде опфатен и од каде пари за шестиот пакет мерки?


Балканот се крена на нозе. Се говори за Нон-пејпер, таен документ, кој словенечкиот премиер Јанез Јанша го доставил до Европската Унија. За конечно распаѓање на Југославија, за нови граници, за голема Србија, голема Албанија, поделба на Македонија и гаранции за враќање на Никола Груевски, без последици.

Гости беа Мухамед Зекири - генерален секретар на Владата, Зоран Димитровски - генерален секретар на Демократскиот сојуз и Роман Јакиќ - поранешен министер за одбрана на Словенија, екс-пратеник во Европскиот парламент.


Кој попрво и кога ќе добие финансиско парче од петтиот пакет економски мерки? Дел од бизнисите пред колапс. Како ќе се спасат работните места? Поради ковид кризата речиси 18.300 луѓе ја загубиле работата. Газдите на фирмите бараат директна финансиска помош за плати. Државата нуди нов модел. Секојдневни протести на организаторите на настани. Не бараат милостина, но велат бараат помош за егзистенција. Усвојувањето на петтиот антикризен пакет задоцни. Дел од фирмите не ги исплатија февруарската и мартовската плата. Второто тромесечје почна, здравствената криза не заврши. Какви денови го чекаат бизнисот? Дали планираните финансии ќе бидат доволни за вакцинација на економијата? 

Дебатираа Крешник Бектеши - министер за економија, Лазар Јовевски - професор, советник во ВМРО-ДПМНЕ, Петар Георгиевски - Камиказа, музичар, Маријана Перковска - Кластер за текстил.


Последната надеж на граѓаните дека центарот на Скопје како - така ќе „дише“ падна во вода откако Уставниот суд го укина мораториумот за градење на бетонски зданија спроти хотелот „Холидеј ин“. Постапката за почеток на градбата тече, стручната јавност бара јавна дебата и референдум, надлежните велат дека мора да постапат според законите. Дали Антикорупциската комисија може да биде сламката за спас? Има ли јунак што ќе стави крај на урбаното силување на главниот град? 

Во Анализа 24 дебатираа: градоначалникот на општина Центар, Саша Богдановиќ, пратеничката од зелената партија - ДОМ, Маја Морачанин и архитект, Даница Павловска.


Аферата „Пасоши“ продолжува да продуцира повеќе прашања од одговори. Се уште е нејасно, дали опозицијата ја саботирала истрагата или ја изнудила акцијата. Нарко босови, меѓународни криминалци, терористи на ИСИС, македонски пасоши шетале низ меѓународните граници.

Разговараме со поранешниот разузнувач Александар Диневски кој се сомнева дека ова е само врвот на ледениот брег. Во емисијата се вклучија и Дарко Каевски од СДСМ и Владимир Нелоски од ВМРО-ДПМНЕ.


Треба ли граѓаните да испитуваат антитела пред да одат се вакцинираат? Треба ли да се вакцинираат ако имаат создадено антитела? Може ли државата да стави контрола врз цените во приватните болници за време на пандемијата?

Гости во 24 анализа се доктор Катерина Тошевска Трајковска, спец. по медицинска биохемија од Институтот за биохемија, доктор Наум Трпеновски, очен хирург, доктор Гзим Нуредини од Клиничката болница во Тетово и Доктор Билјана Гагачовска директор на клиничката болница во Битола.


Најмладиот пациент со тешка клиничка слика од коронавирусот има само 19 години. Третиот бран покоси стотици луѓе, заболуваат се помлади пациенти. Ќе издржи ли преоптоварениот здравствен систем? Смртноста во Македонија останува меѓу највисоките во Европа и светот. Каде е проблемот? Во терапијата, капацитетите, знаењето или статистиката? Конечно почна посериозна вакцинација во земјава. Контроверзите кон вакцините и отпорот кон имунизацијата се зголемуваат. Има ли решение за крај на пандемијата?

На Светскиот ден на здравјето, во тешка здравствена криза разговараме со докторите Злате Мехмедовиќ и Петар Атанасовски.


Војска, полиција, вработени во медиуми и во специфични јавни сектори, од денеска вакцинација со руски „Спутник“. Дневно на ниво на државата ќе се имунизираат по 4.000 луѓе. Во тек  вакцинацијата и со „АстраЗенека.“ Каков е одзивот за вакцинација? Колку и кога имунизацијата ќе стане барикада за ширење на коронавирусот? Притисокот врз болниците во земјава расте. Измина најцрната недела - 263 починати од Ковид 19. Расте бројот на новозаболени. Каде е крајот на третиот бран на пандемијата? Каква е состојбата со пациентите во болниците? Зошто регистрираме зголемен број на починати? Што се случува во другите градови во земјава.?Потребни ли се нови мерки?? 

Директни вклучувања од Кавадарци, Штип, Куманово. Гостуваат доктор Арбен Зибери, доктор Ален Георгијев директор на клиничка болница Штип, доктор Снежана Захариева директорка на општа болница Куманово, доктор Диме Коцев директор на општа болница Кавадарци.


Вакцината „АстраЗенека“ контроверзи непознаници. Колку е сигурна, зошто се стопираше вакцинирањето во Македонија за луѓе под 60 години? Илјадници Македонци се вакцинираа во Србија со „АстраЗенека“. Дали треба да продолжи таа операција. Србија, сепак за оваа вакцина дава зелено светло.

Гости: доктор Мери Киријас, Институт за имунологија, доктор Владимир Ристовски - Ковид центар „8 Септември“, доктор Харис Бабачиќ, лекар - истражувач на „Каролинска институт“ во Шведска, Ана Радоњиќ - Македонка која се вакцинираше во Србија, Никола Коџабашија од Лондон - во Британија нормално тече вакцинирање со „АстраЗенека“.


Се одложи пописот, правилна или погрешна одлука? Дали причините лежат во пандемијата или политиката? Се скараа и претседателот Пендаровски и министерот Филипче дали е срамно што македонски граѓани мораа да се вакцинираат во Србија. Срам за државата или чин на солидарност. Заменик помошникот државен секретар Палмер упати остри пораки кон власта и опозицијата, што сакаат да кажат Американците.

Дебата со поранешните пратеници, Драган Данев, Павле Богоевски и екс-претседателот на ЗНМ и новинар Насер Селмани