Емисии Емисии Емисии Емисии Емисии Емисии Емисии Емисии Емисии Емисии

Ударни вести

Кој ќе одлучува за амнестијата?


Во земјава има повеќе од 180 илјади невработени. Стапката на невработеност се намалува но, дали поради вработувања во администрација или во приватниот сектор? Бизнисот вели - нема стручен кадар. Невработени тврдат – тешко се наоѓа работа. Каде е вистината? Владата најавува успешна 2019 година со новоотворени работни места – но, што велат бизнисмените - дали е можен пресврт на пазарот на труд. Кои занимања и професии се најбарани, а кои се дефицитарни. Дали занаетчиските дипломи добиваат вредност? Дебатираат Билјана Јовановска директорка на Агенцијата за вработување, Маријана Перковска, текстилна индустрија и Ангел Димитров организација на работодавачи.

 


Владата најавува дека следната година ќе биде економска - пресвртница на економските политки. Ги чуствува ли бизнисот ефектите од владините политки? Какви се очекувањата и потребите на стопанството за догодина? Во 24 анализа дебатираат: Кочо Анѓушев, виџепремиер за економски прашања, Трајко Славевски – ВМРО-ДПМНЕ, Данела Арсовска претседател на Сојуз на стопански комори и Бранко Азески, Стопанска комора на Македонија.


Се случи ли атентат на правдата за политички пазар? Скандалозен или неопходен закон. Ќе биде ли доволна селективната  правда за мир во државата. Ќе ја плати ли премиерот Зоран Заев политичката цена за амнестијата за Крвавиот четврток како политичарите кои седнаа во фотелја со ветување дека правдата ќе им биде светост и си го погазија зборот. Дебатираат Слаѓана Тасева, од Транспаренси интернешнл, адвокатот Валентин Зафиров и политичкиот аналитичар Петар Арсовски.


Политиката ја засени економијата. 2018 во знак на кревка стабилност. Како граѓаните и фирмите ја преживееа годината што изминува? Се делеа државни пари за домашни фирми – на списокот звучни имиња на функционери. Дали власта го исполни ветувањето за здрава економија во која сите ќе бидат рамноправни? Што се направи, а што требаше - а не се направи во економската 2018 година? Колку членството во НАТО и преговорите со ЕУ ќе ја променат сликата – подобар стандард, повисоки плати и дисциплинирани политичари? Дебатираат универзитетските професори Ванчо Узунов, Трајко Славески и Марјан Петрески.


Кога одењето на лекар за Македонците ќе стане нормална појава, а не хорор филм. Граѓаните очекуваа реформи и подобро здравство, а добија ветување кои се уште се повторуваат. Има ли државата реална стратегија за најважниот систем за животите на луѓето или се најважни милионските тендери? Дебатираме со претставници на самостојуниот синдикат на Клиничкиот центар, Горан Беговиќ, абдоминален хирург, Предраг Серафимовски, максилофацијален хирург и Јулија Јовановска медицинска сестра.


Реформи во јавната администрација. Како Владата планира да направи ефикасна администрација? Ќе има ли сериозен рез или ќе се бара друг модел за кратење на гломазната администрација? Во 24 Анализа дебатираат Дамјан Манчевски, министер за администрација и информатичко општество и Трпе Дејановски, УПОЗ.


Селективната амнестија за „Kрваиот четврток“ е скрчкана - со која правна селеција ќе прави амнезија за дел од учесниците се уште е врвна тајна, но амнестија за насилниците и организаторите на насилствата на 27 април нема да има. Колку селективната правда прави упад во судството, особено во процес кој што е се уште во тек? Кој ќе одговара за политичкиот пазар со дел од обвинетите за најцрниот ден во македонската парламентарна историја? Ќе има ли преквалификација на делото? Ќе ја отфрли ли некој од обвинетите „милоста“ на државата? Дебатираат универзитетската професорка Мирјана Најчевска и адвокатите на Крсто Мукоски и на Горан Ѓошевси –Леви, Игор Кичеец и Ружица Николовска. 


На 15 јануари – гласање за уставните измени. Финале на процесот. Науката ги кажа своите предлози – на потег повторно пратениците. Стабилно или разнишано двотретинско мнозинство – колку и како Законот за помирување и помилување ќе влијае на завршницата од уставните измени? Пред Уставен суд иницијатива за оспорување на уставноста на одлуката за уставни измени. Како ќе постапат институциите и шефот на државата Ѓорге Иванов? Во 24 Тренд анализа, Љупчо Зиков, новинар-колумнист, Тодор Петров, претседател на Светскиот македонски конгрес и Алберт Муслиу, политички аналитичар


Фудбалската федерација на Македонија речиси пет месеци е без претседател. Изборот мора да се случи до 19 јануари, а в недела ќе се одржи вонредно Собрание со агенда која е спорна за дел од фудбалската јавност. Драган Томовски и Иван Анастасовски зборуваат на оваа тема во 24 Анализа.