Врие во министерството за земјоделство. Министерот од редовите на власта и дополнителниот заменик министер од опозицијата во клич. Димковски и Трипуновски меѓу земјоделците – во предизборие тешки обвинувања за притисоци и малверзации, каде е вистината? Стотици милиони евра субвенции за тутунарите, оризпроизводителите, градинарите, лозарите. Дали поддршката стигнува навреме и на вистинска адреса? Што се случува во ресорот земјоделство, дали во пресрет на изборите ќе бидеме сведоци на црна кампања поврзана со министерство кое располага со еден од најголемите буџети?

Аргументите ги соочуваат министерот за земјоделство Трајан Димковски и дoполнителниот заменик министер Цветан Трипуновски.

Ако по утрото се познава денот, Македонија ја чека мачно предизборие – техничката Влада, функционерите на СДСМ и на ВМРО-ДПМНЕ уште не седнати во фотелјите – стартуваа со секојдневни обвинувања, навредувања, прозивки и квалификации. Прес, па реакција на пресот па реакција на реакцијата и така до недоглед. И додека партиите од македонскиот блок се натпреваруваат кој повеќе ќе ги обвини другите за криминал, во албанскиот блок – конкретни чекори за избори – албанската опозиција пред коалција за заеднички настап, се најавува можност и за изборно помирување на Касами и Гаши – за како што велат финалната битка со Али Ахмети. Што може Македонија да очекува од најдолгото предизборие досега?

Дебатираат универзитетскиот професор Никола Дујовски и аналитичарите Тодор Пендаров и Газменд Ајдини.

Што ја одбележи 2019 година на политички и економски план?

Гости во 24 Тренд анализа се Зоран Иванов, Горан Момировски и Лирим Дулови.

Последиците од француската шлаканица на внатрешен план – деновиве ескалираат на политичката сцена – а игрите на нерви како се приближува изборниот ден се интензивираат. Колку договорениот 12. април всушност не е договорен, дали викенд консултациите меѓу Зоран Заев и Христијан Мицкоски ќе ја расчистат магливата политичка слика. Во предизборието реформите ставени на „стенд бај“ – додека Брисел будно ја следи Македонија. Политички драматична година – која ќе продолжи во следната во која Македонија чека конечно позитивна одлука за ЕУ - дали ќе ја дочека ќе зависи од многу фактори, меѓу кои и чист изборен ден. Ја завршува ли земјава годината позрела или, пак, детските болести никако да се прележат?

Дебатираат Андреј Жерновски - заменик министер за надворешни работи и Тимчо Муцунски – секретар за меѓународна соработка на ВМРО-ДПМНЕ.

Ќе има ли избори на 12 април? Дали премиерот Заев подготвува терен за одложување на изборите или се притиска опозицијата да гласа за потребните закони во Собранието? Последните судски случувања го наметнуваат прашањето, каде отиде правдата, дали правосудниот систем навистина го штити криминалот или власта само го користи како алиби за своите компромиси.

 Дебатираме со Зоран Димитровски, нов генерален секретар на Демократски сојуз и Љупчо Пренџов од Гром.

Полека, но сигурно ја ситниме економската 2019 година. Ако ги слушаме аргументите на власта, се работи за успешна економска година со раст на економијата и со значајни реформи во одредени сегменти. Опозицијата пак вели дека е година со економски неуспеси. Каде е вистината?

Гости во 24 Тренд анализа се стопанствениците Мендерес Кучи, Трифун Костовски и Сефер Цаноски.

„Општа е перцепцијата кај граѓаните дека само сиромашните и луѓето на маргините, без релација со некоја власт, одговараат дури и за багателни кривични дела“ - порача вчера шефот на државата, Стево Пендаровски од Собранието. Зошто по речиси три децении ниедна власт не успеа да ја смени оваа реалност? Дали ветинг во политиката заедно со судството, е лекот за уништената правна држава, коруптивни институции и политичките влијанија во судството? Колку новиот закон за ЈО што го скрои власта е чекор кон тоа или, пак, само предизборен маркетинг?

Анализираат универзитетските професори, Љубомир Фрчкоски и Гордан Калајџиев.

Какви се меѓуетничките односи за време на владеењето на Заев? Дали успеа проектот за намалување на меѓуетничките тензии? После мислењето на Венецијанската комисија за Законот за јазици, вицепремиерот Османи веднаш не потсети на 2001, закана или реалност. Дали освен правата на Македонците и Албанците се почитува гласот на останатите заедници?

Дебатираме со Димче Арсовски од ВМРО-ДПМНЕ и Петрит Сарачини, владин советник за проектот „Едно општество за сите“.