Емисии Емисии Емисии Емисии Емисии Емисии Емисии Емисии Емисии Емисии

Ударни вести

Ќе останеме ли во зоната на позитивни економски раст?


Избори ли се избори, партиски маки големи - толку ли се плаши Димитар Ковачевски од пораз што не сака ниту да разговара за темата? Ги бара ли Христијан Мицкоски, а моли бога да не ги добие? СДСМ меѓу чеканот и наковалната во Собрание - ќе го брани ли скандалозното однесување на спикерот Талат Џафери или пак ќе ризикува кавга со коалицискиот партнер? Колку всушност Али Ахмети ќе биде тој што ќе ја однесе Македонија на ново пребројување на силите по ново јунско вето? 

За политичките превирања во 24 анализа дебатираат Антонио Милошоски пратеник и член на ИК на ВМРО-ДПМНЕ и Андреј Петров член на ИО и поранешен пратеник на СДСМ.


Ден по влегувањето во канонско единство со СПЦ, поглаварот на Македонската православна црква г.г. Стефан и српскиот патријарх Порфириј во четврток ќе одржат заедничка литургија во храмот „Свети Сава“ во Белград. На литургијата ќе сослужуваат сите архијереји од двете цркви. Ова е првиот конкретен чекор откако вчера СПЦ ја врати МПЦ во канонско единство. Но, дилемата која се појави по вчерашното соопштение на српскиот Сабор за враќање на автономниот статус на МПЦ остана и денеска. 

Гости се Цане Мојановски поранешен претседател на Комисијата на верски заедници, професорот на УКИМ Зоран Матевски  и новинарот Бранко Ѓорѓиевски.


Намален економски раст и поголема инфлација, зголемени цени и раст на каматните стапки - ова се предвидувањата на најновите економски проекции на Народната Банка и наместо предвидените 3,9 годинава ќе ја завршиме со раст од 2,9 проценти од БДП. Инфлацијата расте, се предвидува да биде 8,8 проценти во просек, со очекување за постепена стабилизација до крајот на годината.


Култура во канџите на партиски послушни војници. Политичарите се колнат дека е толку важен идентитетот, но не и за негување на културата како составен дел на тој идентитет.

Гости се Искра Гешоска еден од столбовите на независната сцена и советничка за култура на претседателот Пендаровски, Ацо Костов сменетиот директор на Управата за заштита на културното наследство за да биде наследен од партиски кадар, Вардан Тозија режисер и Петар Андоновски писател.


Идејата на францускиот претседател Макрон отвора ново поглавје за Македонија во ЕУ - дали треба да се прифати визијата на Макрон за нова европска политичка заедница, како нов вид проширување? 

Дебатираат: Малинка Ристова - Јордановска - ЕПИ, Мухамед Халили - претседател на Амбасадорскиот совет, Нано Ружин - екс амбасадор на НАТО и Петар Арсовски - политички аналитичар.


ВМРО-ДПМНЕ од утре и официјално ја почнува активната блокада во законодавниот дом која ќе се однесува на сите како што велат штетни закони, но и на начинот на кој ќе се прави ребалансот на буџетот. Пратеничката група на најголемата опозициска партија денеска на средба со нивниот лидер Мицкоски во партиското седиште да го потврдат старт на активностите кои ќе ги превземат а за сите нови дополнително ќе известуваат. Крајната цел велат е пад на оваа влада.

Гости се Аријанит Хоџа од Беса, Горан Милески од ЛДП, Стефан Богоев од СДСМ и Марија Митева од ВМРО-ДПМНЕ


Јазикот е нашата татковина. Се слави Денот на македонскиот јазик, се слави таткото на македонскиот јазик, Блаже Конески. Но, како се чевствуваше смртта на Гоце Делчев и во Македонија, но и во Бугарија? Што е заедничка, а што е сопствена историја? 

Гости се проф. Симона Груевска од Институтот за македонски јазик, Огнен Вангелов член на Историската комисија и Исмет Рамадани советник на премиерот Димитар Ковачевски за евро- атлански интеграции.


Учеството на Македонија во Алекадрополис, економска инвестиција за иднината или политички проект за стратепките интереси на Македонија со Америка и Балканот. Има ли оправданост во инвестиција тешка околу 700 милиони евра, дали парите ке се исплатат?

Земјава потпиша меморандум за да располага со 10 проценти од акциите, но во исто време ке треба да се работи на развој на гасоводната мрежа во земјава и конектирање со Грција.

На оваа тема со Митко Андреевски енергетски стручњак, Константин Димитров професор, и Виктор Андонов советник во владата за енергетика.


По одлуката на Синдикатот за образование, наука и култура (СОНК) дека штрајкот го става во мирување попладнево пред седиштето на СОНК се собраа членови на синдикатот изразувајќи незадоволство од најновата одлука.

Одлуката на СОНК беше донесена откако до нив стигнало известување од Министерството за труд и социјална политика дека Министерството за образование и наука е подготвено за мирно решавање на спорот.

Гости се Министерката за труд и социјална политика Јована Тренчевска, претседателот на Сојузот на средношколците Лука Павичевиќ, Весна Јаневска од ВМРО-ДПМНЕ, Санела Шкријељ од СДСМ и директорката на државниот испитен центар Елизабета Наумовска.