Фадил Зендели од Беса во емисијата 24 анализа потенцираше дека има две потпрашања во претходната иницијатива на опозицијата и сегашната на Левица за референдум, едното  е формалниот аспект процедурата, друго е суштината.

- Суштината е важна за Беса и секогаш кога се работи за евроинтеграциските процеси, ние ќе ги поддржиме, го поддржавме и францускиот предлог. Од формалниот аспект за иницијативата на опозицијата, претседателот на Собранието излезе надвор од своите надлежности и не смее во такви ситуации да заземе ставови по такви важни прашања. Тој ги суспендира и комисиите, една од најважните институции во нашиот парламентарен систем. Не смее тој да земе врз себе такви надлежности кога веќе таа постапка треба да се води во матичните комисии. И тој иницијативата требаше да ја пренесе во матичната комисија за политички систем и во законодавно-правната комисија и таму ќе се водеше дебатата. - рече Зендели.