Народниот правобранител денеска ќе го посети Бојан Јовановски во затворот во Шутка, откако неговиот адвокат вчера изјави дека Јовановски бил во животозагрозувачка состојба, а дека никој од лекарите не сакал да преземе одговорност и да го хоспитализира. 

Освен народниот правобранител вонреден надзор во амбулантата во затворот во Шутка ќе направат и здравствените инспектори. 

Од Државниот здравствен и санитарен инспекторат за ТВ 24 потврдуваат дека ќе извршат проверка на медицинската документација на Бојан Јовановски и ќе проверат како бил третиран од страна на здравствените работници во затворот. 

Надзорот ќе го направат по допрен глас. Бојан Јовановски е обвинет во случајот „Рекет“, а веќе 5 месеци е во затворот во Шутка.