Заев – Туск: Северна Македонија ги исполни сите услови за преговори
Foto

Заев – Туск: Северна Македонија ги исполни сите услови за преговори

Лидерите на земјите членки на Европската Унија на утрешното заседание ќе прават напори да дојдат до консензуално решение поврзано со почетокот на преговорите за Северна Македонија, е заедничкото очекување на премиерот Зоран Заев и претседателот на Европскиот совет Доналд Туск.

На  средбата на Заев и Туск, што се одржа вечерва во Брисел, беше заклучено дека Република Северна Македонија и граѓаните ги исполниле сите услови за донесување одлука за почеток на преговори правејќи храбри чекори и сериозни реформи.На средбата, на која зедоа учество и заменикот на претседателот на Владата на Северна Македонија, Бујар Османи и министерот за надворешни работи, Никола Димитров, се разговараше за актуелните очекувања поврзани со утрешната средба на Европскиот совет.

На средбата беа уште еднаш признаени и потврдени сите успеси што Република Северна Македонија ги постигна во изминатите две и пол години и едногласно беше заклучено дека нашата земја и граѓаните ги исполнија сите услови за донесување одлука за почеток на преговори правејќи храбри чекори и сериозни реформи.

Низ разговорот на средбата во Брисел преовлада заедничкото очекување дека лидерите на земјите членки на ЕУ на утрешното заседание ќе прават напори да дојдат до консензуално решение поврзано со почетокот на преговорите за Северна Македонија.

0 Коментари

Остави коментари