За јавниот обвинител Ненад Савески комуникацијата со извршната власт, вклучително и контактите со премиерот, не се спорни  и  ваквите комуникации не  влијаат врз самостојноста на Обвинителството.

По  зголемените јавни критики за работата на Обвинителството, Савески вели  очекувањата за резултатите се легитимни, но  самостојноста на институцијата е загарантирана со Уставот и законите.

Паралелно, информира дека истрагата за случајот со шпионажа во Кабинетот на претседателката е во завршна фаза, а предметот „Мазут“ е во постапка пред Вишото јавно обвинителство.