Утрото е студено со појава на магла по одделни котлини. Во текот на денот времето ќе биде сончево со мала до умерена облачност.

Денеска ќе дува слаб ветер претежно од северен правец. Најниската температура наутро ќе се спушти до – 7 степени.

Во Скопје утрото ќе биде студено со појава на магла во делови од котлината. Преку денот ќе биде сончево со мала локална облачност и со слаб северен ветер. Утринската температура ќе изнесува -2, а максималната ќе достигне до 19 степени.

Под влијание на постудена воздушна маса од север во недела дневната температура ќе опадне за 5-7 степени. Потоа следува период на променливо облачно и постудено време со повремени врнежи од дожд, а на повисоките планини ќе има услови за провејување на снег.

Најниска температура, од минус осум степени утрово е измерена во Берово, а највисока од 5 степени целзиусови е измерена во Крушево. УХМР информира дека -5 степени целзиусови се измерени во Битола, -4 Струмица, -3 Демир Капија, -2 Скопје-Петровец, Куманово, Штип, Велес, Тетово, Прилеп, -1 Гевгелија, Кавадарци, 0 Скопје-Зајчев Рид, Крива Паланка, Маврови Анови, 1 Претор, и 2 степени во Охрид, Виница, Попова Шапка.