После ланската пауза поради ковид пандемијата, утре во Охрид ќе се чествува големиот празник Богојавление Водици.

Утрешното празнување најпрвин започнува со богослужбите во охридските парохиски цркви во 7 часот наутро, а литиите од црквите ќе се сретнат на плоштадот. На пристаништето во 10 часот дебарско-кичевскиот митрополит Тимотеј ќе го положи Светиот крст во езерските води.

Од црквата потсетуваат на значењето на големиот празник, но апелираат верниците да ги почитуваат пандемиските мерки, да носат маски и држат растојание во храмовите и на самото пристаниште.

Од Црвениот крст чии екипи ќе се грижат за безбедноста на капачите апелираат на особена претпазливост од верниците поради ниската температура на езерската вода и студеното време. Најважното да не се конзумира алкохол пред влегување во водата.