Секој поединец е важен. Со модулаторната терапија младите луѓе ќе може целосно да се вклучат и да бидат корисни за заедницата, да не стравуваат за својата иднина, а децата да живеат безгрижно детство ослободени од болничките престои, посочуваат од Асоцијата за цистична фиброза.

Фики Гаспар за ТВ 24, вели заради сериозноста на проблемот верува дека со уште поголема сериозност и одговорност надлежните ќе најдат соодветно решение.

Од исклучителна важност е да се обезбеди лекот за пациентите со цистична фиброза, затоа што болеста е непредвидлива-има тенденција на брзо опаѓање и прогресирање-додава Гаспар.

Од Асоцијацијата со став дека доколку се донесе конкретно и официјално решение и договор и се одговори на нивните барања-само во тој случај подготвени се да го стават протестот во мирување. Цената на лекот е многу пониска за држави кои набавуваат терапија за повеќе пациенти. На потег се надлежните.

На вчерашната владина седница се донесе одлука, Министерството за финансии, Министерството за здравство и Фондот за здравствено осигурување да одржат координативен состанок, со цел доставување предлог решение. Министерот Сали, пак денеска најави дека се очекува во најкус можен рок да се донесе одлука за обезбедување средства.

- На вчерашната владина седница иницирав обезбедување финансиски средства за лекот Трикафта за 30 пациенти со цистична фиброза. Се очекува во текот на утрешниот ден да биде донесена одлука за обезбедување средства. Продолжуваме да се грижиме за здравјето на сите пациенти. - рече Сали.

Терапијата „трикафта“ во сите држави е одобрена, дури и во државите од регионот освен во Македонија, Албанија и Косово. Министерството за финансии од буџетот за оваа година, има одвоено 14,2 милиони евра за министерството за здравство, за ставката за ретки болести.