Министерот без ресор задолжен за добро владеење, Арбен Фетаи, денеска ја предаде својата оставка на премиерот.

Во своето обраќање до јавноста, Фетаи истакна дека во изминатите две години имал чест и привилегија да служи на државата, придонесувајќи за реформи насочени кон зајакнување на отчетноста, транспарентноста и владеењето на правото.

„Дали сум целосно задоволен од постигнатото? Секако не. Секогаш има простор за повеќе, подобро и побрзо. Но дали работев со најголема посветеност за да поставам здрави темели врз кои може да се гради понатаму? Без двоумење, да,“ порача Фетаи.

Тој нагласи дека заминува со „подигната глава и чиста совест“, оценувајќи дека ова е добро промислена одлука и најдостоинствен чекор во актуелните околности.

Фетаи им се заблагодари на сите што верувале во него, го поддржувале и соработувале, со посебна благодарност до неговиот тим, меѓународните партнери, граѓанското општество и граѓаните.

„Службата на јавниот интерес не завршува кога завршува функцијата. Таа продолжува секаде каде што се потребни интегритет, храброст и слободни гласови за општото добро,“ додаде тој.

Со ова, Фетаи ја заврши својата функција како заменик премиер задолжен за добро владеење.

Премиерот Мицкоски со коментар за оставката на вицепремиерот Фетаи: