Претседателот на Сојузот на здруженија на дијабетичари на Македонија, Димче Велев во 24 анализа рече дека задоволен е поради тоа што после 9 години државата навреме распишала тендер за набавка на инсулинска терапија. Според него терапијата е нова и иновативна која ќе им го олесни животот на пациентите.

„Се надеваме дека со ова набавка нема да имаме кризи како што беа кризите минатите години. Ние баравме и 3000 пациенти со дијабет Т1 да добијат сензори, барањето го доставиве до Собранието но не игнорираа и за тоа наше барање добивме поддршка од меѓународните организации. Направивме истражување кое покажа дека еден сензор заштедува 6 пати од буџетот на еден пациент“, рече Велев.

Тој рече дека е задоволен од листата на лекови што ја виделе на тендерот.

„Листата што ја видовме е со нови терапии, иновативни, количински се надевам ќе бидат доволни, и нема да се случи како претходните години пациентите да земаат еден инсулин па кога ќе го снема да им се дава друг поради грешки од административни причини. Тоа е лошо за телото“, изјави Велев.

Велев објасни и дека мора да има поголеми контроли за пациентите кои ги користат сензорите бидејќи некои од нив воопшто не ги користат.