„Ве гледаме!“ ваков транспарент осамна пред судницата во Идризово непосредно пред почетокот на судскиот процес за трагедијата во кочанската дискотека „Пулс“. Герила акцијата ја изведоа активистите на движењето Кој е следен! Тие побараа непристрасно, професионално и целосно транспарентно судење, ослободено од политички влијанија.

Судската власт од денес е под лупа! Бараме непристрасен, професионален и целосно транспарентен судски процес ослободен од политичките канџи. Оние кои денес ќе се облечат во црните тоги имаат обврска да покажат интегритет, храброст и почит кон законот

Поранешната судијка во Европскиот суд за човекови права, Маргарита Цаца Николовска смета дека судењето за пожарот во дискотеката Пулс ќе биде тест што ќе трае долго време и нема брзо да се заврши.

Изјава Маргарита Цаца Николовска – поранешна судијка во Европскиот суд за човекови права

Судскиот процес кој почнува осум месеци по трагедијата ќе се одвива по две рочишта неделно со проширен тим од 15 јавни обвинители.