Опозицијата утре ќе бара интерпелација на вицепремиерот за европски прашања Димитров. Власта ќе ги брани аргументите зошто не треба истата да биде изгласана. Партиите и денеска во предворието на утрешниот ден веќе ги изнесоа своите аргументи за и против.

Лидерот на ВМРО ДПМНЕ Мицковски пак и денеска порача дека покрај оваа ги очекуваат на дневен ред да се најдат и интерпелациите на министрите за борба против корупција Николовски и на министерот за правда Маричиќ.

Од владејачката СДСМ пак и денеска велат дека не спорно е правото на опозицијата да бара интерпелација но очекуваат издржани аргументи иако како што велат од парламентарното мнозинство не се сигурни дека опозицијата ги има.

Согласно деловникот расправата и гласањето треба да завршат најдоцна до полноќ, а пратениците од говорницата  да ги изнесат сите аргументи.

Од пратеничката група на ВМРО-ДПМНЕ велат дека веќе ги поднеле интерпелациите и за Николовски и Маричиќ и очекуваат што поскоро да се најдат на дневен ред  на некоја од наредните седници.