Вработените во министерството за финансии бараат од Фатмир Бесими веднаш да го потпише колективниот договор со кој сите вработени ќе добија повисоки плати откако Уставниот суд пред десетина дена го укина членот 66 од Законот за Буџети.

Од Синдикатот соопштија дека бараат од Бесими да го потпише колективниот договор, најдоцна до понеделник, и обвинија дека тој до сега игнорирал седум нивни барања за средби.

Според Синдикатот со Колективниот договор ќе се спречи да има произволно покачување на платите кај вработените.