Тројца загинати, над дваесет повредени во страотна несреќа на воз и автобус во Ниш
Foto

Тројца загинати, над дваесет повредени во страотна несреќа на воз и автобус во Ниш

Страотен судар се случи утрово околу 7.35 часот во селото Долно Меѓурово кај Ниш кога воз удри во автобус.

Во ужасната несреќа, на самото место загинале најмалку три лица, меѓу кои едното е дете, потврди МВР, додека 6 лица се потешко, а 16 полесно повредени.

Глетката, како што се гледа од снимките е страотна: автобусот на Ниш експрес е преполовен од ударот на возот.

Екипите на Итната помош, пожарникарите и полицијата ги извлекуваат повредените и ги носат во нишката болница. Причината за несреќата се уште не е позната, а железничкиот и патниот сообраќај на оваа делница се запрени. Преминот преку пругата бил обезбеден со адекватна сообраќајна сигнализација, соопштија од Железница на Србија.

На самото место е екипата на РТС, а снимките кои тие ги снимија се вознемирувачки:

0 Коментари

Остави коментари