Градоначалникот на Гостивар Арбен Таравари во денешното гостување во отвореното студио на 24 анализа во врска со одржувањето на изборите рече дека Алијанската на Албанците има став а тоа е дека изборите за доброто на граѓаните најдобро е да се одржат на крајот на јули.

„се надевам дека ќе најдеме заедничко решение, предлогот на СДСМ е некоректен, зошто ЕУ после тоа ги отвара границите. За Алијансата е прифатлив датум крај на јули или почеток на август. тестирањето кај пациентитте е мало и мислам дека е тоа намерно некако се брза да се оди на избори. Годинава ретко некој ќе оди надвор на одмор, дури и туристичките места ќе бидат лимитирани со бројки.“ - вели Таравари.

Таравари вели дека требало на почетокот да бидеме рестриктивни, а сега треба да се вратиме во нормала и мора да живееме со вирусот. Дури и претеруваат властите со ограничувањата, смета Таравари, а Македонија и Албанија биде меѓу најрестриктивни. Ако се организира кампања, тоа значи отварање на ново жариште и нов бран кој ќе биде полош. Ја даде како пример Франција, каде многумина на изборите на почетокот на епидемијата се заразиле, а повеќето и починаа.

Во врска со отварањето на џамиите утре, тој смеат дека треба да се отвараат откако ќе се дадат одредени препораки и протоколи како да се однесуваат граѓаните, но потенцираше дека нема да оди утре во џамијата. Протоколите да се преведат и да се пуштаат меѓу граѓаните.