Со прогноза од 2,5 отсто македонската економија според Светска банка ќе испорача најнизок економски раст од земјите во регионот. Освен Босна и Херцеговина каде се предвидува раст на бдп од 2,6 отсто. 

Во сите други држави од Западен Балкан економијата годинава ќе порасне за над 3 отсто.

Од Светска банка велат дека во Македонија е проблематично зголемувањето на буџетскиот дефицит, го поздравуваат намалувањето на инфлацијата, но велат дека во главно цените на храната не бележат забележителен пад. 

Бидејќи годинава е изборна, економистите од оваа меѓународна финансиска институција не очекуваат целосна реализација на најавените реформи кои се важни за продолжување на евроинтеграциските процеси.