Нова правна битка во судницата за пожарот во дискотеката 'Пулс'. Обвинителството денеска покажа низа документи за агенцијата 'Рубикон'. Тврди дека Александар Нацев е неформален сопственик на фирмата. Кај него биле најдени договори за вработување и тендери. Сепак, неговото име го нема во Централниот регистар. Одбраната веднаш реагираше. Одбраната вели дека документите не се најдени во неговиот дом, туку во возило. На визит-картата на Нацев пишувало само дека е консултант. 

Обвинителството откри дека 'Рубикон' немал писмен договор со дискотеката 'Пулс'. Постоел само фиктивен договор со патрола, каде потписот на сопственикот бил лажен. Денеска беа прочитани и медицинските анализи за четворицата чувари. Ниту еден немал алкохол во крвта. Само кај еден имало траги од психотропни супстанции. 

Обвинителството покажа планови од други објекти. Таму стои дека чуварите мора да бараат пиротехника. Одбраната смета дека овие правила не важат за кобната ноќ. Адвокатите тврдат дека ранецот со пиротехника не му припаѓал на осомничениот. Според нив, чуварите вечерта спасувале млади животи, а не предизвикале пожар. Судењето го води судијката Диана Груевска Илиевска.