На обвинителна клупа струмичкиот бизнисмен Ристо Крмзов-денеска се одржа подготвително рочиште, а првото рочиште е закажано за 25 март со воведни зборови и произнесување на вина на обвинетите. За овој случај, обвинети се 10 физички и 14 правни лица- односно за даночна измама, злосторничко здружување, перење пари.

Според Обвинителството, од 2019-2024 година, во поднесуваните даночни пријави неосновано било користено правото на влезен ДДВ. Обвинетите сметководители постапиле спротивно на законите, постапувале по насоки на организаторите и се евидентирале фиктивни фактури УЈП, односно управата им исплатила околу 20 милиони евра. Во даночните пријави бил прикажан ДДВ по основ на фиктивни договори за купопродажба на недвижен имот. Дел од средствата биле употребени за враќање кредити кон банки, подигнување готовина, плаќање добавувачи на градежни материјали за изградба на станбени комплекси.

Одбраната на Ристо Крмзов вели дека Обвинителството се повикува истите нивни докази. Според адвокатот Ване Андреев, нејсано е зошто има обвинителен акт само за ДДВ, а не за данокот на добивка, персонален данок и сите останати кои произлегуваат од истите документи. 

Ване Андреев-адвокат на Ристо Крмзов

„Во оваа фаза на постапката е неблагодарно да се впуштиме во детални анализи. Поставивме едно прашање, зошто данокот се гледа фрагментално само едниот данок, а не сите даноци по истите тие документи. Контрадикторноста на самата Управа и самите истражни органи провејува во текот на сите фази, но во текот на постапката ќе го докажуваме.“

Ристо Крмзов во моментов е во ефективен притвор. Судењето го води судијата Илија Трпков, а застапник на обвинението е обвинителка Верица Бержетска Крстева.