Кошаркарите на МЗТ Скопје Аеродром уште еднаш беа подобри од МКК Куманово, сега на домашен терен во суперлигашката премиера. Првакот го совлада МКК Куманово со 85:77.

Во Спортскиот центар „Јане Сандански“, бранителот на титулата одигра одлична втора четвртина, во која направи убедлива предност. По одморот, кумановските „сино-бели“ заиграа многу подобро, особено во одбраната. Гостите во третата четвртина постигнаа 20, а примија само 11 поени, со што негативата ја намалија на 58:63. Избраниците на Марин Докузовски продолжија со притисокот и на почетокот на последниот период успеаја да се доближат на само три поени – 62:65.

МЗТ Скопје Аеродром, сепак, брзо одговори и по тројката на Дамјан Стојановски повторно се одвои на 68:62. Што беше најава на победата.

Најефикасен на дуелот беше Адем Мекиќ со 24 поени, додека кај победникот пет играчи постигнаа двоцифрен број поени.