Европската унија прави голема грешка, не ја гледа подготвеноста на Северна Македонија за почеток на преговорите туку игра геополитички игри од кои на народот може да му дојде преку глава – словачкиот претседател Петер Пелегрини жестоко ја искритикува ЕУ за односот кон Македонија на денешната посета на државава.

елегрини оценува дека во ЕУ се злоупотребува интеграцијата на Македонија за политички спорови и предупреди на двојни стандарди во процесот на проширување. 

Според словачкиот претседател, иднината на ЕУ лежи во проширувањето и со таа цел Словачка ќе и помогне на Македонија „на сите можни начини„ да ги отпочне преговорите. Сепак, Словачка се спротиставува на предлогот за квалификувано мнозинство и посочи дека неговата држава е на ставот да се задржи правото на вето за секоја членка. Пелегрини и претседателката Силјановска Давкова се согласија дека Копенхашките критериуми се основата на преговорите со ЕУ а според Сиљановска Давкова сите дополнителни услови се всушност уцена. 

Од утрешната посета на претседателката на Европската комисија – Урсула фон дер Лајен, Сиљановска Давкова очекува таа да донесе регионална поддршка за Западен Балкан во ЕУ интеграциите, односно Балканот да наликува на Балтикот - каде што нашите соседи се првите оние кои ќе ги поддржат ЕУ интеграциите на нас кои допрва треба да влеземе.