52 годишен скопјанец  ја тепал и давел 32-годишна вонбрачна партнерка која била бремена во втор месец, по што Јавното  обвинителство поведе постапка против него за телесна повреда. 

Осомничениот, во нејзиот дом физички ја нападнал бремената жена и во расправијата почнал да ја удира со тупаници и шлаканици, нанесувајќи ѝ гребаници, отоци и хематоми на главата и телото. Жртвата, за да се спаси и да излезе од домот, го убедила осомничениот да одат на гинеколог за да направат ехо преглед и да го видат бебето. 

Кога со автомобилот тргнале кон матичниот гинеколог и осомничениот застанал на семафори  во центарот на Скопје  жената успеала да избега од возилото и влегла во кафуле за да побара помош. 

Јавниот обвинител достави предлог за мерки на претпазливост  и обврска осомничениот да се јавува повремено кај надлежен државен орган, привремено одземање на патна исправа  како и забрана за приближување на оштетената.