Сирени за тревога се активирани во Тел Авив, Израел – биле истрелани две ракети
Foto

Сирени за тревога се активирани во Тел Авив, Израел – биле истрелани две ракети

Сирени за тревога се вклучени вечерва во Тел Авив, првпат по 2014-та година, откако најмалку две ракети се истрелани врз Израел, соопшти израелската војска. Армијата нагласи дека се активирани сирени за ракетна тревога ширум централниот дел на земјата. Локалните медиуми известуваат дека ракетите се истрелани врз густо населениот Тел Авив. Едната е пресретната од противракетниот систем „Железна купола“, додека другата веројатно паднала на отворен простор. Очевидци тврдат дека се слушнала експлозија, но засега нема информации за евентуални жртви или повредени лица. Палестински извори во Газа изјавиле дека ракетите се истрелани од северниот дел на Појасот Газа, но не е познато која организација е одговорна за инцидентот. Ракетирањето се случува по неколкунеделни тензии и размена на оган минатата сабота, кога е истрелана ракета на Израел. Израелските медиуми наведуваат дека вечерва се истрелани ракети од иранско производство од типот „Фаџр“. Освен Хамас, и Исламска Држава, која има поддршка од Иран, располага со ракетен арсенал.

0 Коментари

Остави коментари