Од УПОЗ револтирани за промената на работното време на администрацијата. Бараат итно повлекување на одлуката за фиксно работно време, бидејќи, според нив, тоа е спротивно на гранскиот колективен договор потпишан на почетокот на годинава во кој е утврдено флексибилно работно време.

Од синдикатот велат дека се затекнати од ваквата одлука, бидејќи не биле информирани и консултирани како социјален партнер, а ваквата одлука веднаш создала револт меѓу вработените.

Владата вчера одлучи сите вработени во државната управа од 1 октоври да имаат едно работно време од 8 до 16 часот. Според гранскиот колективен договор работното време на вработените е флексибилно. Започнува во 07:30 - 08:30 часот, завршува во 15:30 - 16:30 часот.