Силно невреме го погоди Мелбурн
Foto

Силно невреме го погоди Мелбурн

Поради ризик од поплави што денеска може да го погодат австралискиот град Тралагон, источно од Мелбурн, евакуирани се околу 220 куќи, соопшти националната служба за итни случаи.

Во силното невреме што го зафати Мелбурн, главниот град на државата Викторија, синоќа, повеќе од 200.000 домаќинства останаа без електрична енергија.

И покрај налетите на ветрот до 119 километри на час и силниот дожд што не се памети од 2008 година, нема извештаи за сериозни повреди, соопштија официјалните лица.

Неколку главни патишта беа блокирани поради поројните дождови, свлечиштата и паднатите дрвја.

Службите за итни случаи добиле повеќе од 5.000 повици за помош.

0 Коментари

Остави коментари