Двата лета за денеска и едниот за утре од Виена до Скопје на австриската авиокомпанија „Аустријан ерлајнс“ се откажани, покажуваат информациите од официјалната интернет страница на виенскиот аеродром. 

И на веб страницата на скопскиот Меѓународен аеродром ги нема летовите кон и од Виена за денес и за утре. 

Скопје е само една од многуте дестинации кон кои нема да летаат авионите на оваа компанија, поради претходно најавениот штрајк на екипажите.  Поради штрајкот на компанијата откажани се вкупно 400 летови кои влијаат на 50.000 патници.