Шест бугарски пратеници го следат рочиштето во Основниот суд во Кочани, каде денеска продолжува судењето против Ива Михаилова од Кочани, која има двојно државјанство - македонско и бугарско...

Таа е обвинета за „тешки дела против безбедноста на луѓето и имотот во сообраќајот“, по сообраќајната несреќа од октомври лани, во која едно лице го загуби животот, а неколку други беа повредени. 

Михаилова ја отфрла вината за несреќата. Случајот предизвика голем интерес на официјална Софија, откако на Михаилова ѝ беше одбиено барањето да ѝ бидат вратени лични документи одземени со мерките на претпазливост, за да може да се лекува надвор од Македонија.