Северна Макдонија, Грција и Албанија потпишаа декларација за вклучување на Преспа на листата на УНЕСКО

Со потпишувањето на заедничката декларација на трипартитен состанок што вчера се одржа во Општина Преспа во Грција, министрите за култура на Северна Македонија, Грција и Албанија ја потврдија својата заедничка посветеност на заедничката подготовка за номинацијата на преспанскиот регион за листата на светско културно и природно наследство на УНЕСКО, како и за зачувувањето и популаризацијата на природното и културното наследство на регионот..

Декларацијата ја потпишаа министерот за култура и туризам на Северна Македонија, Седат Сулејмани, министерката за култура на Грција, Лина Мендони и министерот за туризам, култура и спорт на Албанија, Бленди Гонџа.

Сулејмани рече дека заедничката номинација за УНЕСКО претставува следниот важен чекор во соработката меѓу трите страни. Тој подвлекува дека целта не е само меѓународно признавање, туку долгорочно и одржливо управување со регионот, носејќи конкретни придобивки за локалните заедници.