СДСМ: По рекордниот раст на просечната плата од 8,1 процент, априлската минимална плата расте за 3,3 проценти
Foto

СДСМ: По рекордниот раст на просечната плата од 8,1 процент, априлската минимална плата расте за 3,3 проценти

„Mинималната бруто плата од април оваа година се усогласува согласно Законот за минимална плата и се зголемува за 3,3%. По рекордниот раст на просечната плата од 8,1 проценти со ова усогласување и зголемување минималната плата ќе изнесува 17.943 денари, односно 12.507 денари во нето износ“ велат од СДСМ.

Од партијата со став дека „Минималната плата се усогласува со по една третина од порастот на просечно исплатената плата, трошоците на живот и бруто домашниот производ. Растот на просечната плата во декември 2018 од 8,1 отсто е најголем раст на просечната плата во последните девет години“.

„Просечната плата во декември 2018 година изнесувала 25.784 што се речиси 2.000 денари повеќе отколку во 2017 година. Трендот на зголемувањето на платите продолжува и оваа година и тоа во сите сектори. Со водењето на добри економски политики, како и трендот на раст на платите се повеќе пари завршуваат кај граѓаните, во семејствата, се подобрува животниот стандард кај граѓаните“ - велат од СДСМ.

 

0 Коментари

Остави коментари