СДСМ: Обезбедивме двојно повисока откупна цена на тутунот
Foto

СДСМ: Обезбедивме двојно повисока откупна цена на тутунот

„СДСМ обезбеди двојно повисока откупна цена на тутунот, од 118 денари по килограм во времето на ВМРО-ДПМНЕ, денес таа изнесува  222.5 денари Аграрните мерки и политики на СДСМ имаат директно влијание на одржување на трендот на раст на  откупната цена на тутунот која сега има највисоко ниво во последните шест години. Па, така просечната откупна цена за килограм тутун од реколтата 2019-та изнесува 222,5 денари за килограм и е речиси два пати повисока во однос на 2014 година кога беше 118 денари“ велат од СДСМ.

Од партијата се со став дека „Преку навремени, неселективни и повисоки субвенции, тутунарите добија поттик да произведуваат висококвалитетен тутун, што имаше сериозен импакт врз откупната цена. Денес, субвенциите за прва класа тутун изнесуваат 80 денари за килограм, 70 денари за втора класа и 60 денари за трета и за дополнителните класи. Досега се откупени 20 милиони килограми тутун, односно 80 отсто од планираниот откуп. Вредноста на откупениот тутун изнесува скоро 4,3 милијарди денари, од кои на тутунопроизводителите веќе им се исплатени 4,1 милијарди“.

„Додека ВМРО-ДПМНЕ манипулираше со земјоделците, со СДСМ трудот на тутунарите се цени и плаќа. Тутунопроизводството е една од стратешките гранки во земјоделскиот сектор кој што добива силна поддршка од Владата на Република Северна Македонија“ - велат од СДСМ.

0 Коментари

Остави коментари