Дел од родителите на загинатите во трагичниот пожар во дискотеката „Пулс“ во Кочани стигнаа пред Судска медицина, каде што бараат средба со директорот. Велат дека и покрај бројни дописи и барања до институциите, немаат добиено клучни резултати од обдукциските и токсиколошките анализи, вклучително дали биле земени биолошки примероци или дали е испитувано присуство на отровни супстанции.

Истражната постапка за пожарот во клубот „Пулс“ официјално заврши со пријавени околу 46 осомничени за тешки дела против општата сигурност, а доказите вклучуваат материјали, обдукциски вештачења и изјави на стотици сведоци, додека одбраната започна со увид во доказите.