Регулаторната комисија за енергетика во првите четири месеци од годинава има издадено лиценци за 161 фото-електрична централа со моќност од 54.8 мегават часови. 

Минатата година Регулаторната комисија издаде лиценци на вкупно 267 централи за производство на електрична енергија од обновливи извори со инсталиран вкупен капацитет од 152.2 мегават часови. Од нив 106, мегават часови се фото-електрични централи , додека 36 мегават часови се за ветерни електроцентрали.

„Во државава за шеснаесет месеци се вклучени на мрежа нови капацитети од обновливи извори со вкупна инсталирана моќност од 207 мегават часови што е приближно еднакво на еден блок од РЕК Битола“, велат од Регулаторната комисија за енергетика.