Погрешна проектна документација ја стави во застој реконструкцијата на култната скопска „Универзална сала“.

Продолжувањето со какви било градежни активности, предвидени во првичниот проект за реконструкција на салата би значело и опасност по безбедноста на граѓаните, рече градоначалничката на Град Скопје, Данела Арсовска. 

Градоначалничката рече и дека во проектот се пронајдени недостатоци кои не соодветствуваат со фактичката состојба, а кои претходната градска власт ги игнорирала и продолжила со реконструкцијата на Универзалната сака.

Веднаш со реакција се јавија од партијата на СДСМ, каде преку партиско соопштение велат оти целиот проект е професионално сработен и безбеден. 

„Целосно е неточно дека проектот за изградба на Универзална сала е небезбеден. Проектот е професионално сработен и одобрен низ повеќе постапки од стручни лица и целосно е безбеден.Самиот проект уште на почетокот е пратен на мислење на Градежен факултет од каде е одобрен и тоа одобрување Град Скопје го има.“- реагираат од СДСМ. 

Арсовска дополнително рече оти проектот за „Универзална сала“ нема да застане, туку дека сè ќе се спроведе онака како што треба, но со решенија кои се безбедни и сигурни за граѓаните. За овој проект, Владата има одвоено 120 милиони денари.