Разрешен е директорот на Клиниката за неврологија, проф. д-р Игор Кузмановски, соопшти Министерството за здравство.

Министерството за здравство информира дека министерот Азир Алиу донесе решение за разрешување на директорот на клиниката за неврологија, проф. д-р Игор Кузмановски.

„Во најкраток рок ќе биде именуван нов директор согласно законските процедури. Работата на клиниката продолжува непречено“, соопшти министерството за здравство.

Најверојатно, можна причина за разрешувањето е скандалозното видео кое кружи на социјалните мрежи. Од ВМРО-ДПМНЕ го поздравија решението и потенцираа дека извршувањето на јавна функција носи конкретни обврски и одговорности.