ромоцијата на новиот роман „Во Акрата нема мостови“ од Миле Бошњаковски ќе се одржи вечерва со почеток во 19:00 часот, во Изложбениот салон на Младинскиот културен центар (МКЦ, кај главниот влез).

Романот отвора теми за патувањето, љубовта, семејството и врските што ги обликуваат човечките судбини, следејќи приказна што се движи низ различни простори, јазици и внатрешни премини.

За книгата ќе говорат новинарот и публицист Зоран Бојаровски и новинарката Катарина Синадиновска, кои во своите осврти ја истакнуваат нејзината „он роуд“ структура, атмосферата и емотивната нарација.

„Во Акрата нема мостови“ е втор роман на Бошњаковски, по „Погром – записите на Рафаел Дорон“. Лектор на изданието е Јордана Шемко Георгиевска, уредник Ана Мартиноска, дизајнот е на Бојан Ивановиќ, а уредник за верификација на информации е Јанис Јеруланос.

Книгата е веќе во продажба во книжарниците „Или – Или“, „Полица“ спроти СУГС „Јосип Броз Тито“, како и во „Литература“ во „Ист Гејт“, „Сити Мол“, „Дајмонд“, на ул. „Македонија“ и ТЦ „Буњаковец“, „Сакам Книги“ во книжарниците во центар Тифани, Лептокарија и капитол Мол во Аеродром, онлајн продажбата на „Литература“, како и во книжарата Просвета во Охрид.