Производителите на ориз повторно излегуваат на протести. За вторник најавуваат нови блокади на патот Штип-Кочани.

Велат откупната цена на оризовата арпа и белиот ориз е прениска и не им ги покрива ни производните трошоци. Бараат производната цена да се одреди пред стартот на жетвата. Бараат средба со ресорниот министер.

Годинава од засеаните 4500 ха се очекуваат 22.000 тони, што поради појавата на болести е помалку од очекуваното. Според нив цената на арпата не смее да биде под 40, а на белиот ориз под 80 денари. Трошоците на производство им се покачени за 100 %. Велат цената на берзите во светот расте, само во државата сеуште нема промена. 

Ова не е прв протест на оризоприоизводителите. Тие и досега неколкупати бараа повисоки откупни цени. А за ланскиот протест заработија и пријави од полицијата.