Министерството за здравство информира дека почнува пријавувањето за бесплатна вакцинација против сезонски грип за ризичните групи население, кои можат да се пријават со пополнување на апликацијата vakcinacija.mk, по што ќе добијат СМС порака со термин или преку својот матичен лекар.

Со бесплатната вакцинација се опфатени ризичните категории население: повозрасни лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лицата сместени во установи за социјална заштита на стари лица и вработените во овие установи.

Од Министерството соопштија дека годинава се набавени 80.000 дози четиривалентна вакцина од производителот „Абот“ од Холандија.