Пресврт во БиХ: Додик ги загуби па ги доби изборите

Додик во водство на изборите во Република Српска, а противкандидатката тврди дека грасовите ѝ се украдени.

 

Според прелиминарните податоци на Централната изборна комисија на Босна и Херцеговина, Милорад Додик, кандидатот на СНСД за претседател на Република Српска, води наспроти неговиот противкандидат Јелена Тривиќ (ПДП).

Според овие податоци, врз основа на 527.418 преброени ливчиња, Додик освоил 242.851 глас, а Тривиќ 212.542 гласа.

Кандидатката на ПДП за претседател на БиХ Јелена Тривиќ, изјави дека ова не е само кражба во градовите на кои биле навикнати, туку дека ова е контаминиран процес во цела Република Српска.

Таа рече дека добива повици од луѓе од малите градови кои гласале за неа, но нивните гласови ги нема.

„Ќе дознаеме колку такви места има. Пресвртот се случи во текот на ноќта кога Централната изборна комисија објави дека изборните одбори не ги доставиле резултатите до системот. Ниту тогаш не добивме податоци. Се запре! Дали е нормално Централната изборна комисија да објави дека не добиле никакви податоци од избирачките места. Ќе бараме да се повтори изборниот процес на ниво на цела Република Српска.Тоа е нашата крајна цел.Врз основа на големиот број неточни резултати ќе завршиме со повторување на целиот изборен процес“, коментира Тривиќ, пренесува Дневни аваз.