Струмичките земјоделци во неизвесност како ќе помине откупната сезона со црвената пиперка чија берба само што почна.

Велат дека откупните цени се исти како минатата година иако во оваа производствените трошоци двојно им се зголемени заради високтие цена на горивата и губривата.

Во Муртино се откупува црвена пиперка од под пластеници. Цената е 40 денари за килограм за Прва класа. Таа потоа се селектира за извоз а она што останува ќе биде наменета за преработувачите по цена од 20 до 25 денари.

Наскоро се очекува бербата на засеаните пиперки и под отворено во струмичко. Дотогаш земјоделците се обидуваат да го спасат родот од високите температури. Секојдневно ги наводнуваат површините за да имаат подобар квалитет иако добар дел од засеаното од лошите временски услови се веќе уништени.